dijous, 26 de maig del 2011

De jo, occitan, En Garriga Trullols non se pòt díder er amic.

Pogues ores dempús dera derrota electorau deth Partit Socialista enes darrères votacions espanhòles, aguérem era suspresa de liéger un comunicat verinós emetut peth president deth CAOC, En Garriga i Trullos. En aguest comunicat, redigit en sòn lengadocian e adreçat taus "cars amics occitans", En Garriga i arrègle un compde personau damb eth sindic d'Aran Francés Boya. Liegetz un pòc:

Cars amics occitans,

Ièr i aguèt un càmbiament fòrça important a la Val d'Aran en l'escasença de las eleccions municipalas e del Conselh Generau. Ara lo novèl Sindic es Carles Barrera.

Amb Paco Boya s'acaba la demagogia, la megalomania e lo secessionisme e las malas relacions entre lo Conselh Generau e la Generalitat e las pus marridas relacions entre lo Conselh Generau e lo CAOC.

L'obstruccionisme e la tergiversacion de la Lei de l'Occitan s'es acabat.

Ara comença una novèla etapa de relacions occitano-catalanas de la Generalitat, del CAOC e del Conselh Generau d'Aran amb una tòca mai clara de trabalhar per l'unitat de la lenga e la cultura occitana, que pels catalans fa partida fòrça importanta del nòstre patrimòni cultural e lingüistic.

Tot çò qu'èra arrestat, ara se metrà en marcha, e sonque pòt s'alentir per la crisi o per la manca de sòus, mas lo procès a començat e degun l'arrestarà.

Lo CAOC es fòrça content perqué lo trabalh da 40 ans a estat pas en de badas e ara trabalharà amb mai de mejans oficials.

Coralament,
Enric Garriga Trullols
President CAOC


Alavetz, jo qu'ac harè brac e clar:

Paco Boya qu'ei de nòste. Qu'ei aranés, qu'ei gascon, qu'ei occitan. Que trabalhèc tara defensa dera sua lengua, dera nòsta lengua, e damb un succès que hè gòi. Sense interferir damb era politica aranesa o catalana, que non coneishi pro, jo voi raperar aquiu que Paco Boya contribuic fòrça ara recuperacion dera nòsta lengua e dera cultura nòsta en Aran, e non sonque pera sua accion politica, senon tanben pera sua òbra literària e artistica. Paco Boya qu'ei un actor màger en maine dera cultura nòsta.

Eth CAOC, pera votz deth sòn president, veïcule idèes romantiques que remonten ath sègle darrèr e que non son cap en fase damb era realitat occitana d'ué eth dia, ne tanpòc en fase damb era volontat dera majoritat des occitanofòns. Que son d'ua auta epòca. Eth comunicat deth president deth CAOC qu'ei ua vergonha. Li perdonaram pr'amor deth sòn gran atge.

Urosament, qu'auem Paco.

EDIT. Non, non mos auem entenudi, Mela e jo, tà "postejar" sus aguest ahèr ath madeish moment. Que sap redigir, Mela! Anatz véder.

4 comentaris:

Mela ha dit...

Avèm las meteissas inspiracions dins nòstras insomnias... :D
Completament d'acòrdi dab tu (per un còp!)

http://melanizetofre.blogspot.com/2011/05/cabories-allucinacions-occitanisme-e.html

賈尼 ha dit...

Ieu tb que soi plan d'acòrdi, al 100%.

. ha dit...

"Li perdonaram pr'amor deth sòn gran atge."

Grana conclusion!

Me cau arreconéisher que tant eth CAOC coma eth senhor Garriga fan fòrça trabalh mès que, peth que veigui (e non me cau a seguí'c guaire entà vedé'c) an facilitat entà entrar es polemiques.

Eth catalan auem ua frasa hèta que ditz:

"Pixar fora del test" > "pishar dehòra deth tèst"

E creigui que coïncidís fòrça ben damb eth comunicat deth sr. Garriga.


Salut e jòia!

Anònim ha dit...

No pateixis, Joan. Aquí a Catalunya ja tenim molt identificat el Garriga Trullols: sorprèn que vegi en Boya com un megalòman, quan tothom sap que hi ha poques persones amb un ego tan gros com en Garriga Trullols.