dimecres, 26 de setembre del 2007

Crida de sostien a la Calandreta "Eths Capdèths de Gasconha" de Bertren

Adishatz a tots. Que'vs hèi seguir un messatge recebut uei. A jo que'm sembla hèra important d'ajudar las calandetras si volem que la lenga non se pergui a tot jamès. Adonc aquí, qu'avetz lo messatge (en gascon sud-orientau):


Aperet de sosteng ara Calandreta de Bertren

Er’ actualitat comengesa e varossenca qu’ei estada marcada en seteme de 2007 pera obertura d’ua escòla occitana calandreta a Bertren (65). Eth vilatge de Bertren que’s troba ath còr deth triangle Sent-Gaudenç, Montrejau e Luishon-Vath d’Aran.
Aquera escòla, que seguish eth programa der’ Educacion Nacionau. Qu’ei ua escòla associativa, laïca e gratuita. Que balha un ensenhament en immersion lingüistica en occitan de Gasconha. Qu’ei daurida a totas e a totis, e arcuelha mainats der’ escòla mairau dinc ar’ escòla primària. Era qualitat deth ensenhament e dera pedagogia d’aqueras escòlas calandreta (45 escòlas ath totau) n’ei pas mes a demostrar. Eras estatisticas que parlan d’eras madeishas : eths escolans sortits d’aqueras escòlas qu’an un nivèu superior ara mejana nacionau dens fòrças matièras : lengas, matematicas…
Coma totas eras associacions, aquera escòla qu’a besonh de sòus entà foncionar coma cau. Qu’a besonh de finanças entà contribuir ath melhor desvelopament possible deths sués joenis escolans e entà contribuir ath desvelopament e ara promocion dera lenga e cultura occitanas. Qu’ei estat hèit ua lista non exaustiva deras despensas que deu suportar era associacion : salari der’ Ajuda mairau, despensas de cauhatge, electricitat, de telefòne, d’aiga, asseguranças, crompas de mobilièr, de materiau de burèu, de materiau pedagogic, despensas d’entretien deths locaus, contrat d’entertien (obligatòri)dera caudèra, despensas de contra-ròtle annau (obligatòri) deths amortidèrs de huec…. Aqueras despensas de foncionament be son relativament importantas!
Era vosta ajuda qu’ei indispensabla entarà perennitat d’aquera prumèra en Comenge e Varossa. Que vos envitam a devénguer eths actors e eths pilars deth avénguer dera nosta cultura e dera nosta escòla.
- - - - - - - - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - -
Que sostengui er’escòla gascona e occitana
□ Qu’accepti d’ajudar benevòlament, segon era mia disponibilitat, taras activitats d’arrepaish, hèstas, lòtos, espectacles …
□ qu’adèri ar’associacion e pagui era cotisa annau de 60 €
que hèi ua balhada de : □ 10 €, □ 20 €, □ 30 €, □ 40 €, □ 50 €, □ o
mes
que m’engatji a hèr un transferiment mesadàr de □ 10 €, □ 20 €, □ 30 €, □40 €, □50€, □ o mes sus eth compte der’associacion :
Banque Guichet N°de compte clé
16906 00012 51038807149 70
Nom : ……………………………………Prenom :………………………………..
Adreça : …………………………………………………………………….............
tel: ………………………Corrièr electronic :………………………………………

A tornar a :

Calandreta Eths Capdèths de Gasconha, 43 rue Nationale, 65370 Bertren.
Informacions ath 06 81 37 81 14