dimecres, 28 de maig del 2014

Resultat

Vint cinc per cent deus votaires francés a las eleccions europèas qu'an votat entaus candidats deu Front Nacionau, o sia setanta cinc per cent deus votaires francés n'an pas votat entàd aqueth partit xenofòbe e anti-europèu. Que seré temps de reformar Euròpa de cap a mei democràcia e que los partits nacionaus e's reformèssen eths tanben. Enganar a l'electorat que's paga tostemps a la hèita fin.

Los partits anti-UE qu'an aprofieitat de la multiplication de las listas qui afavoriza la dispersion deus vòts. De tot biaish, entà governar, au candidat deu partit relativament majoritari, lo PPE, que'u harà besonh ua aliança, quitament dab los socialistas. La necessitat d'alianças qu'ei ua conseqüéncia normau deu sistèma proporcionau de votacion. La prumèra pròva de democràcia, que l'auram - o non- dab la nominacion deu cap de govèrn europèu. Que seré un maishant signe se la causida democratica deus votaires europèus n'estosse pas arrespectada.

1 comentari:

Anònim ha dit...

Adixat,

Ta so d'akeros eleksiuns, lu xwès kero drin brümus!

Lus düs partits naciunaws majés, PS & UMP, esperrekats ke sun ente munde ki bolen mes u menx d'ewropo.
Ataw ke-s jünton en Bruxelles, han üo majoritat (PPE & PSE) xens biziun claro de balya aws funcionaris e aw pude dew sos.

E aw kap de bint ans de ket "consensus mou", arres n'ei pas kunden e lus technocrates kes sun badüts embriagats e sajon de decidi tut, sawp so de nibew de l'ewropo kum las bankos!

Alabets ke ja ü arramat d'elektus kin sun harts de ket sistemo: la maje part kes demuro en cazo.
Ta lus ays ke kaw truba kawkarre "alternatiw":
- FN akeste kop, ke ditz "non à Bruxelles" (e sas "normes") e k'enbio caga l'UMPS,
- Europe Ecologie lu darre kop, e awgan engwero pew Baskuat e Abeirun...
- Lus partidots ki eslurexen penden las eleksiuns ewropeos tabe, mès be sun trop deskunegüts ta kwelye hero de buts...

Finawmen lu xepikas bei aket ünibers lwenhek de las elitos ki de dibersitat e d'idejos mango tan, e ki a cawzit de dexa-s purta pew briw mundiaw de la "finance", de la Chindiamerico e dew PIB...

Alabets ju nun credi pas gwayre ke lus maxans "xenophobes" e siyon tan numbrus. Süstut munde ki an hartero d'ako e ki aymaren ke turnassem gaha las arramos en lu briw aket. Bei ple d'arrokos lu gabe, kep at dizeran en Grèsio...

Kes pot sawneja a üo listo pirenenko tan de "Sud-Ouest" com d'Aragon, Cataluña, Nabarro e Bascoat, dilyew ke gañare ün pa de depütats ta purta la buts de nuste en Bruxelles, mieye ke nun hèn pas lus partits (trop) nasiunaws!