De la plaja de Somo (Trasmiera) estant, el Astillero e l'estrem industriau de Santander. Au hons, lo macís ennevat deus Pics d'Euròpa:
La còsta de Trasmiera:
Las duas palmèras chilenas (Jubaea chilensis) de Renedo de Piélagos. Aqueras palmèras que son monuments vegetaus pro rares en Espanha, sustot a la còsta cantabrica. N'i a un aute exemplar adulte semblant a Hendaia (Labord), tanben dus en Bretanha...N'i a mes en la còsta mediterranèa, sustot en França e Itàlia, mens en Espanha. En Catalonha, que'us trobam sustot en Rosselhon (particularament au parc Ducup de Perpinyà, a Salelles, a Sant Ciprià e las mes vielhas de França que son a Cotlliure, son contemporanèas de las de Renedo, 150 ans d'atge a vista de nas) , que n'i a ua - pas tant vielha- au parc Marimurtra de Blanes (Girona), que n'i a tanben a la còsta lengadociana e sustot provençau. Las palmèras chilenas son originàrias deu pèmont andin chilen. Aparentadas a la cocotèra, que son de creishença hèra lenta e que començan a dar frutas a un atge comprés enter 60 e 100 ans. Que pòden víver mes de 1000 ans. Las frutas son com nògas de cocot en miniatura, que n'an la forma e lo gost, totun qu'an la talha d'ua bala de pingpong.
Quauques ostaus tipics de Bárcena Mayor (Saja-Besaya):
Totun, non v'èi pas amuishat çò de mes agradiu deu sojorn!
4 comentaris:
Es tras que bèu.
La primièra fòto, la de las montanhas dins la mar: raaaaaaaaaaaaaaaa!!
Òc mas quand la montanha se vei aital, quand sembla tan pròche (en realitat lo macís es a 60 km mai o mens), aquò es pas bon signe...Aquò vòl dire que la plueja trigarà pas!
Mas plòu de looooooonga en Cantàbria!
A non, error fatala, malurosa!!! De còps que i a, s'i fa un temps de "seca" (mot cántabru, sequía en castelhan) , es a dire qu'an tres jorns consecutius sens pluèja. Urosament, son equipats, los cantabres, e au cap deu tresen jorn sens pluèja, se botan a sortir la marga d'assagatge, sustot los jorns de canicula estivenca, quand fa 21°C. E puèi, la tornan recaptar lo quatren jorn, en saber aprofechar d'un moment de calma entre dos lavacis.
Publica un comentari a l'entrada