Qu'èi trobat un video qui m'agrada suu sit youtube deus amics de los de l'ouzom: o mon país, cantat de manèra informau a la fin d'un repèish qui aplegava biarnés e landés.
E òc, que soi fan de polifonias gasconas (e cantabras).
E qué díser? Aquera canta que m'esmau hèra, anatz saber perqué. Per inexplicable e colhon que pogosse paréisher, atau qu'ei.
O mon país (paraulas: G. Sanchette musica: J.C. Coudouy)
O mon país que t'an tots quitat!
Qu'an preferat la vila
Aqueths garçons tant envejats!
-Qu'avem trobat richessa
Ça-i donc tanben, princessa.
-Nani mossur, qu'aurèi gran degrèu
De deishar mas aulhetas
Tant que viverèi, las guarderèi!
-De montanha* enqüèra
No'n se hè pas mei, bergèra.
-Que harèi jo shens mon cujalar
Tot crobit de verdura?
Si èi d'a partir, lèu vòi morir
-Tant pis per tu, la bèla
Demora- t'i fidèla!
*Post-Scriptum: que'm pensi que caleré corregir montanha per montanhar: de montanhar no'n se hè pas mei, enqüèra que los cantaires e pronóncian montanha.
1 comentari:
Que't cau anar véder lo blòg de Greg Pereigne, lo sit de Canta se gausas ! e cercar "lambrusquèra sus youtube (que n'i a au som de las montanhas qui son tarriblas !)
Hè beròi
Publica un comentari a l'entrada