divendres, 25 de juny del 2021

Non, ne soi pas legedor deu Jornalet e n'i dèishi pas nat comentari.

Ja èi dit mei d'un còp ne soi pas un lector regular deu Jornalet. Que n'èri bèth temps a mès que deishèi la lectura deu jornau per ua seria de rasons personaus de tracas variadas com, enter autas, 1- tròp de notícias de segonda man o pòc interessantas per jo, 2- ua ideologia de la redaccion qui no'm convien pas tròp, aulorejant a pensada unica, totalitària e, a la fèita fin : 3- l'emplec per la redaccion d'ua lenga qui non m'agrada pas briga a jo, personaument, pòc beròia au men gost, tròp particulara, dab tròp de mots absents deu Palay, ua lenga aluenhada deu gascon alindat qui a jo m'auré agradat de saber emplegar e qu'arrecèrqui per las mias lecturas. Alavetz, atau qu'ei e qu'ei atau, no'm senti pas a casa au Jornalet. Jamei non m'i sentii a casa, la vertat. Alavetz, quina importància, aquerò ? A tot de bon nada. Ni per jo, ni per eths. Que' us dèishi estar e pro. E ne'us desiri pas nat mau. Que'us desiri de tot còr lo hap qui'us hè besonh. Que m'an portat de que n'i a qui contunhan de pensar que soi l'autor amagat de quauques comentaris au Jornalet, jo que'us dic, plan e clar: que s'enganan en plen. N' i dèishi pas nat comentari, ni bon, ni maishant, absoludament nat. Coneguda causa sia.