dimecres, 29 d’abril del 2009

Quinzau baishada deu riu Zinca en navatas


L'amic Zagal de Molinero L'Arco, gran navatèr davant l'Eternau, que'ns convida a participar a la hèsta a l'entorn de la baishada deu riu Zinca, qui's debanarà la dimenjada deu 23-24 de mai d'enguan, enter Laspuña e Ainsa, en Sobrabre.
Ua navata qu'ei ua sòrta de radèu emplegat coma mijan tradicionau (despuish lo sègle XVI) de transportar los troncs d'arbres de cap tà las seguerias de la region en tot utilizar los rius de la montanha deu Haut-Aragon coma camin. Autes còps, que podèvan baishar atau dinc a Tortosa.



Adara, tà transportar la lenha, las navatas que son estadas plan segur remplaçadas per camions e los rius non son pas mes utilizats. Mès la navateria que continua coma activitat ludica e esportiva.

Qu'ètz convidats a participar a las hèstas deus navatèrs, la dimenjada deu 23-24 de mai. Lo programa qu'ei lo seguent:

Dissabte 23 de mai:
Activitats ludicas tradicionaus en riu
Mesa a l'aiga de las navatas
Sopar en Laspuña (las entressenhas peu menu e la reservacion, que las trobaratz aquiu.
Concèrt de la Ronda de Boltaña


Pasa la ronda - La Ronda de Boltaña

Dimenge 24 de mai:
9:30 Dejunar a la plaja (Camalhon (cambajon), hromatge e sardinas)
11:00 Debuta de la baishada.

Vengatz nombrós, que i ètz tots esperats!!!!

2 comentaris:

merike ha dit...

Interessant! No puc veure les enllaçs "navatèrs" i "aquiu". M'encanta la música al enllaç "navatèr" Zinca traidora.. Saps des esdeveniments molt interessants.
Aquí a Finlàndia els nostres llenyataires són bastant moderns :-(

YouTube - 12th july 2008 : Suomen tukkilaismestaruuskisat Käylässä - 4YouTube - Ievan Polkka - Lumberjack band 1952

Josep M. Ferrer ha dit...

Això a Catalunya en diem l'ofici de "raier". Un ofici extingit però que tanmateix se segueix fent com a tradició. Molt interessant!!!