dimecres, 19 de gener de 2011

Sonet entà dus gramaticians gascons (M. Romieu & A. Bianchi).


Aqueth sonet qu'ei dedicat a Maurici Andrieu e Andriu Bianchi, en tot esperar que saberà provocar la gestacion rapida d'ua edicion nava de la lor gramatica gascona.

Sonet entà dus gramaticians gascons.

Totòm non pòt, com lo gran Grevisse en son temps,
Aufrir a la gent las leis deu bon usatge
E fixar atau las règlas deu lengatge
Que princis com pacans an de seguir tostemps.

En cèu gascon qu'i lusishen mei d’un astre.
Que nse n'esclarejan dus: mèste Maurici
qui, a Lescar, e’s dedica au son ofici,
E lo mèste Andriu qui òbra a Barbasta.

Tà parar la frasa d’un beròi ornament,
Que cau seguir règlas qu’aquestes dus letrats
An fixat d’un esguit de mots hòrt inspirats.

Totun, de l’òbra, per màger que’s sia hèita,
Ua version revisada be’ns hè plan hrèita!
Qu’aquò sia dit shens glòria, ni mau pensament.

2 comentaris:

優次 (Yuji) ha dit...

E pensas qu'aurà plan de cambis daguens aguesta nava edicion?

Joan deu Peiroton ha dit...

Las taulas de conjugason son pas simplas d'utilizacion e i a quauquas mancas com per exemple los vèrbs de tip absólver, resólver...L'index seré de repréner tanben...Enfin, que's tracta en generau d'ua question de presentacion mes que non pas deu hons...