dimarts, 29 de setembre de 2015

Quauques conclusions tiradas deu resultat de las eleccions en Catalonha.

Quinas conclusions o messatges e poish tirar deu resultat de la votacion en Catalonha?

Los partits independentistas (Junts per Sí e CUP) qu'an guanhat las eleccions, dab quasi 48 % deus vòts amassa, çò qui'us confereish la majoritat absoluta au parlament.

La victòria relativa de Junts per Sí qui n'a pas obtiengut la majoritat absoluta que provocarà possiblament la fin d'Artur Mas com a president de la Generalitat, com ac exigeish la CUP qui serà convidada a compartir los fruts de la votacion. Que serà la CUP qui harà o des.harà la lei en Catalonha, puishque shens lo supòrt de la CUP, Junts per Sí  non pòt governar.


Ciutadans, partit centrista estacat a l'unitat d' Espanha, qu'ei la fòrça qui puja en Aran, com en Catalonha e en la rèsta d'Espanha. Junts per si, lista sostienuda per l'actuau sindic d'Aran e arribada prumèra en Aran  (31% deus vòts), qu'a obtienut sonque 25 vòts d'avança sus Ciutadans.  Lo navèth deputat aranés que serà d'aquesta dusau formacion gràcias au sostien previsible d'auts partits anti-independentistas . Lo messatge, aquiu, qu'ei clar: los Aranés  que vòlen demorar espanhòus a tot hòrt. Qu'ac sabèvam dejà.

Alavetz, e vòlen deishar Espanha los catalans? Que sembla que non, en realitat. Segur que vòlen un cambi pregon , totun que'u vòlen entà Espanha, meilèu que non entà Catalonha. Dab solament 47,8 % deus vòts, los partits independendistas n'auràn pas la legitimitat sufisenta tà poder declarar e impausar l'independéncia de manèira unilaterau.  Totun, la revolucion qu'aurà de's har en Espanha se los Espanhòus non vòlen que los partits independentistas progressen mei.  L'independentisme que jòga lo ròtle d'espante envèrs Espanha e que'n serà lo carburant entà la refòrma constitucionau espanhòla. Espanha qu'aurà de revisar completament la constitucion e cambiar  de foncionament. Atau qu'ei lo messatge catalan.

E clar, lo referéndum sus l'independéncia catalana qu'aurà de's har e que's harà, un còp la constitucion espanhòla reformada.



2 comentaris:

Vicent Llémena i Jambet ha dit...

Ja ho vinc dient fa més de deu anys i cinc amb asiduïtat, amb referèndum o sense caldrà que en la Constitució Espanyola es primen els mitjans de comunicació en les llengües perifèriques, i que la immersió lingüística hi siga recollida. No hi ha una altra solució, i aquesta hi podria entrar gairebé sense referèndum. O això crec i he cregut d'ençà més de cinc anys.


Vicent

Bonastruc ha dit...

Hola Joan.
Penso que seria interessant poder-se subscriure a aquest blog i que cada cop que hi hagi una nova entrada ens arribi un correu electrònic per avisar-nos.
Salut!