dimecres, 20 d’octubre del 2010

A hestejar era lei


Deman que serè ara serada organizada peth Conselh Generau d'Aran, en Barcelona, entà hestejar era lei der occitan, aranés en Aran, gascon en Peirotonvielha. Aquerò que s'amerite eth viatge, didi jo.

N'aprofitarè per passar pera botiga de Sansluthier, en Sant Jaume de Llierca (Garrotxa). En Cesc m'i demore tà hèr-me sajar ua tarota en do. Atau, poirè escríuer, en mèn dossier (avenidor) de sollicitud de naturalizacion, "sonador de gralla i de tarota". Açò deurie accelerar notablaments eth procès, me pensi. Barar era sardana, qu'ei evidentaments ua auta opcion. Totun, me semble qu'a jo, era sardana me resultarie mès complicada. Non ei cap qu'era sardana non m'agrade, e!

Dilhèu era segona mès bona notícia der an: an desmontat o son a desmontar es cabanons dera aduana en Pertús/Portús, qu'èren illegaus. Es Estats m'emmerden, causa coneguda sigue. Un panèu damb ua inscripcion deth genre Benvengudi en França / Bon viatge, coma n'i a entre dues comunautats autonòmes espanhòlas o entre dues regions franceses o dus departaments, aquerò que marcarie pro e que m'anarie plan, fin finau. Pro de frontères massa marcades laguens eth nòste territòri europèu!

Òc, que sò TANBEN un ciutadan europèu.

12 comentaris:

Josep ha dit...

Vaig de bòlit, però si puc m'hi deixaré caure.
Faràs la conferència en occità?

Mela ha dit...

I serai !

a totaaaaaraaaa!!!!

Joan de Peiroton ha dit...

Josep: només una entrevista pública, en la llengua.

Mela: as pas roncat, òsca! E sabiái pas que dançavas tan plan eth cadrilh de Salardú. As facha la sargantana aürosa!

Josep ha dit...

Hi vaig anar i em va agradar molt.

. ha dit...

És vertat, la sargantana èra fòrça aürosa après aquela amassada.


Salut e jòia

優次 (Yuji) ha dit...

Ua navèra entà tu: http://www.aranes.org/web/?p=645
Gaudís! ;)

Farri ha dit...

Un plaser de t'aver rescontrat. A plan lèu, espèri!

Farri

Joan de Peiroton ha dit...

Josep: i on et vas ficar, que no et vaig veure? Eres tu el barbut del bar? Llàstima que no vam poder xerrar!
Sargantana: un plaser de te conéisser! A lèu!
Farri: plaser compartit! Soi segur qu'auram l'ocasion de's tornar véder. Espèri que poderam tocar musica ensems! Eratz bons, tots los musicians! Geniau, la serada! Òsca!

Joan de Peiroton ha dit...

Yuji: lo ligam fonciona pas...:(

Josep ha dit...

Jo era el paio del cabell llarg recollit amb una cua de cavall. No duc pas barba.
Al final, quan cantàrem l'himne, jo ho vaig fer amb accent oriental: el vaig aprendre escoltant Lou Dalfin

優次 (Yuji) ha dit...

Saja'c un aute viatge... Sembla qu'an fòrça problèmas dambe eth servidor.
http://corsi.aran.org/

Qu'ei un cors d'aranés en linha anonciat 5 dias a. Que'm sembla ua adaptacion deth libe iranja "Cors d'Aranés Nivèu A" que venguiá dambe ua cassete e s'emplegava (e pensi que'u contunhan a emplegar) enes corsis d'aranés de Conselh Generau e dera Generalitat.

優次 (Yuji) ha dit...

Desencusa. Eth ligam corrècte qu'ei http://corsi.aranes.org/