dijous, 13 de gener del 2011

Lo mètge e Godolin

Qu’èi cambiat de medecin. N’èi pas avuda la causida, l’aute que s'ei retirat. Lo ara retirat, sabèvi que n’èra pas tròp joen, mès bon, non pensavi pas que m’anava abandonar tan sobte. No’m previengó pas e n’èi pas avut temps entà’m preparar. Qu’i èri acostumat au men mètge, en mei de 23 ans, pensatz. Quan la beròia gojata qui hasó de secretaria e m’anonciè la notícia deu son remplaçament, que’m sentii com un despairat suu còp.

Totun, dab lo joen, lo corrent que passè de tira. Qu’ei un erudit, aqueth. Qu’èra lo prumèr còp que vedèvi un medecin a’m recomandar la lectura deus poèmas de Pèire Godolin.
Doncas, que’u credoi. E ne soi urós.

Godolin que m’agrada. Qu’èra dotat, lo tipe. E qu’emplegava ua lengua quasi gascona, d’ua claretat limpida.

De segur, qu’èi un mètge deus bons.

10 comentaris:

Mela ha dit...

Qu'ès malaut?

Joan de Peiroton ha dit...

La tension es bona, es ja quicòm.

Mela ha dit...

e lo demai?

Joan de Peiroton ha dit...

Lo mètge diguèt que l'estat de santat deu Peiroton avià d'èsser compatible amb la foncion de bloguejaire cagant e que caliá investigar. Pas res de nòu que non sàpias ja.

Mela ha dit...

E as besonh d'anar veire lo mètge per saber que siás cagant? ;)

Maime ha dit...

Benleu eu chercha un tractament per èsser mens cagant... Legir Godolin, sei pas plan segur que quò serà eficace... Mas bon...

Mela ha dit...

Maime: LòòòòòòòòòòòòòL :D

Joan de Peiroton ha dit...

Emmèrdi les reis, les curats e les lingüistas,
Les gasconistas, emai les occitanistas:
Sonqu’ a io, per que me faguèri un pauc devin,
Me venguèc, un bèl jorn, omplir le vèire de vin
L’esperit ufanós del grand Pèire Godolin.
Espandiguèrem sul sòl la tavolha de lin
Per i pausar saussissas, confit e magret
E, sus un bèl talhuc de pan, le formatge agret.

Entenes coma le poeta mondin devisa
Sul bonur d’un cèl blu, d’una petita bisa
Que monta de Garona jós le rai del solèlh
Qu’illumina le Pont Nòu d’un calurós calèlh?
Vaquí qu’arriban Bertran Larada e Dastròs,
Mon diu, le tresèn, serà pas … ? Si ! Pèir de Garròs!
Totis parlan en fòrt bèl gascon d’un autre atge !
O ma vila, o Tolosa! Qu’as fait de ton lengatge ?

Maime ha dit...

Oc-es ben... crese que te fau chamnhar de medecin... sos tractaments son benleu pieger que la malàudia !! :-P

Mela ha dit...

Maime: +1!