diumenge, 8 de setembre de 2013

La videoneta dab Henri Darteyre

Uei, que'm soi volut regalar dab ua videoneta en gascon, ua petita antologia de cultura tradicionau. Aquera video que'nse vien deu nòrd de Gasconha. Qu'arremercii hòrt los valents companhs de l'associacion Lo Sarmonèir (region de Bordèu),  qui la m'an hèita conéisher.


 Lo praube Henri Darteyre qu'èra un gemèr retirat a Sent Lobert, deu costat de Lengon.  Que's morí en 2012, a l'atge de ueitanta-nau ans. Com ac digó eth medish hens aquera video, lo son prumèr contacte dab lo francés qu'estó a l'escòla. No'n sabèva pas nat mot abans. Que l'agradava de cantar, en gascon com en francés.



En aquera video, lo praube Enric que i testimoniava de l' epòca qui la boha (lo "truc", lo "machin", la chalemina, qué :-)) i estó acaçada per l'acordeon.




 
Henri Darteyre (Sent Lobert) cantas gasconas per garrocs


 S'encontratz problèmas tà espiar la video qu' amuishi amont, que la podetz véder dirèitament  e mei aisidament suu site de dailymotion en clicant aciu.

5 comentaris:

Anònim ha dit...

Qu'a ua votz de las suberbèras e un sens deu ritme… «empecaple» ! Mercés per aqueth bròi present !

Joan-Ives G.

優次 (Yuji) ha dit...

Desencusa! Que'm sò enganhat ara ora d'esfaçar eth comentari qu'avia ua deca... Que volia díguer: "B'a un polit accent, aguest òme!".

Joan deu Peiroton ha dit...

Joan-Ives G: Òc, aquera videoneta de collectatge qu'ei preciosa. N'i a d'autas, particularament las de l'I.E.O. 65.
Yuji: nat problèma! E òc, qu'ei de gascon occidentau vertadèr. Gascon clar, totun.

Anònim ha dit...

Ah, quiò ! l'èi trobada la cadena IEO65. Avisar, qu'ei sus YouTube. Mercés per la sabença !
Joan-Ives

Joan deu Peiroton ha dit...

Joan-Ives, quiò, sus YouTube, perdon! Un tribalh fantastic de collectatge a carga deus de l'Ostau Comengés e de l'I.E.O 65.