Liejut suu blòg de l'Andriu de Gavaudan:
Mitterrand qu’aboliscó la pena de mòrt e Giscard que balhè las soas letras de noblessa a l’acordeon… En seguir lo lor exemple, Nicolas Sarközy que ven d’anonciar que, d’ara en là – e en seguida d’un arrèst deu Conselh d’Estat –, los ancians combatents de las ex-colonias que serviscón devath lo drapèu tricolòr e tocarén la medisha pension militara – pension « cristallizada » desempuish 1958 – que la deus soldats de nacionalitat francesa – revalorizada, era.
Aboliscó e serviscón que son duas fòrmas, perdon, "formas", verbaus qui non son quitament pas repertoriadas dens la gramatica de l'occitan gascon contemporanèu escriuta per Maurice Romieu e lo quite Andriu. Segon aquesta gramatica, abolí e servín que son las fòrmas normaus.
Avetz dit "gascon normat"?
Vam, Andriu, enqüèra un esforcet entà apréner e aplicar las règlas de la gramatica gascona qui signès com a co-autor! Sequenon, de qué servirà la gramatica aquesta? E mei que mei, qu'èm a n'esperar l'edicion navèra. Be la poirés acabar en lòc de gaimantejar ma Mela!
PS Que t'aimi, Andriu, ja ac saps.
2 comentaris:
Que i avèva/avè beròi temps que n'avèvi pas de las toas novèlas/navèras…
N'èi pas leser de i tornar a la nòsta gramatica mès que'm sembla qu'avèm not aqueras formas tanben, non ; que son emplegadas en Gèrs e Neraqués e autes parçans pr'aquò.
Entà forma o fòrma, los letraherits que son partejats ; jo que disi forma mès fòrma qu'es acceptader forma/fòrma : tant que ne i aurà pas sonque aquò entà morir l'occitan ne serà pas plan grèu
Couraument
A;
Adiu Andriu!
A prepaus de forma/fòrma:
jo que disi forma quan e m'exprimeishi en lengadocian "centrau" o en aranés, puishqu' en aqueras duas modalitats, formar n'ei pas un vèrbe d'alternància vocàlica (formi, formas, forma...). Totun, en parlars nòstes on formar e's conjuga segon un patron d'alternància vocalica (fòrmi, fòrmas, fòrma..., cf. la gramatica vòsta), non i a pas mei nada rason tà non pas diser fòrma.
A bèthlèu,
JdP
Publica un comentari a l'entrada