divendres, 11 de febrer del 2011

Lo gascon, lengua reconeguda per l'UNESCO

Segon l'UNESCO, en un atlas editat peu ministeri deus ahèrs estrangèrs de Norvégia, lo gascon qu'ei ua lengua, parlada per 250 000 personas, en dangèr clar d'extincion. Aqueth document qu'indica lo gascon qu'ei naturau deus lòcs seguents:

"the departments of Landes, Gers, and Hautes-Pyrénées, the eastern parts of Pyrénées-Atlantiques, the western parts of Haute-Garonne and Ariège, and the southern and western parts of Gironde, France; the Aran Valley, northwestern Catalonia, Spain; the original ISO code [gsc] for Gascon has been retired on false grounds".

Notaratz l'auvernhàs qu'ei tanben considerat en aqueth document lengua en dangèr d'extincion, localizada en "the departments of Cantal (except Aurillac region), Haute-Loire, and Puy-de-Dôme, and extending to the Gannat region in Allier, the Saint-Bonnet-le-Château region in Loire, and the western border areas in Ardèche; the original ISO code [auv] for Auvergnat has been retired on false grounds".

Bon, ja sabetz çò qui pensi de la sistematica linguistica e deu modèle "piramidau" parlars-dialèctes-lengua , adonc aquò n'ei pas, per jo, tant important. Fin finau çò de mes estranh en aqueth ahèr, per jo, qu'ei l'occitan tot n'ei pas mencionat com ua de las lenguas en dangèr d'extincion. A despart deu gascon e de l'auvernhàs, arren mes de l'occitan non figura dens la lista.

Avetz dit: "l'occitan, patrimòni immateriau de l'umanitat"? Au parèisher, d'aqueth messatge, l'UNESCO n'a retienut que lo mot immateriau.

6 comentaris:

Maime ha dit...

Me sembla que t'as pas ben legit l'atlas de l'ONU. Son mencionats tots los dialectes de l'occitan : lemosin, auvernhat, provençau aupenc, provençau, lengadocian, gascon. An tots coma nom alternatiu "occitan lemosin, occitan auvernhat, ..." e "oci" per còde ISO 639-3.

Joan de Peiroton ha dit...

A ok! Tant miélher. L'avèvi interrogat dus còps en i botar com mot-clau "occitan" e m'a respondut sonque gascon e auvernhàs. Bizarre.

Maime ha dit...

Los mots-claus marchan pas bien, tròbe. Fau far 'na rechercha per pais. E las infos que balhen son la d'Ethnologue.com

賈尼 ha dit...

e l'Ethnologue es una organizacion religiosa protestanta e non pas lingüistica. Jamai comprendrai pas cossí capitèc d'aver l'influéncia que a.

Carles Casanovas ha dit...

Lluitem doncs per què no desapareixi, és el teu
patrimoni, és el nostre,
tenim l'obligació de preservar-lo!

Tederic M. ha dit...

Qu'an desbrombat, coma zònas gasconas, la mieitat sud-oest deu departament d'Out-e-Garona*, e tanben la Lomanha (Tarn-e-Garona) !
*On viscot la mieitat deus mens ajòus, e on visqui adara jo (a Tonens).
Que soi hart de véder la Gasconha tostemps minorada.