Ara que soi tornat de Finlàndia, que’m cau contunhar la cadena tan amablament passada per la Mela (qui non mercegi pas :-D).
4 libes de la mea joventut:
La colleccion completa deu club deus cincs e la deu clan deus sets, de l’Enid Blyton (que hèn fòrça mes que quate) !
Los Tintins, Asterix eca
E d’autes, per segur, mes non me’n brembi pas.
4 escrivans que legirèi enqüera e enqüera :
Bodiu, impossible de mentàve’us tots! Totun, los dus ganhants que son:
Bernat Manciet (l’òbra tota)
Gabriel García Màrquez (l’òbra tota)
Bé, a la lista i poirí hornir Juan Marsé, Santiago Rusiñol, Ausiàs March, eca, eca sens oblidar l’anònime qui escrigó « Táin Bó Cuálnge » (o meslèu los anònimes, probable)
4 escrivans que non legirèi pas més :
Sri Ramakrishna Ramajhaput
Chou Tsi Wong
Albert Ducoin
Jo medish (se podèvi)
N’i a d’autes, notatz. Mes aquestes que hèn un bèth quartet.
4 libes que prenguerí sus ua iscla deserta:
1 : Birmingham Field Guide to Desert Island Birds by Lars Janssens, Birmingham Press, Boston, 2004
2 : Birmingham Field Guide to Desert Island Mammals by Hector P. Larramendi, Birmingham Press, Boston, 2003
3 : Birmingham Field Guide to Desert Island Reptiles by John W. Smith and Sean D. Scaffold, Birmingham Press, Boston, 2006
4. Birmingham Field Guide to Desert Island Edible Plants by Wayne S. Robertson and Stewart W. Barrett, Birmingham Press, Boston 2004
La Mela qu’escrigó : « de tot biais, compti pas partir sus una iscla deserta... ». Bé, adonc, jo tanpauc. Se la Mela non i ei, n’i vòli pas anar tàd aquera iscla. Vau pas la pena.
4 libes de la pièla qui m'espèra....
- Suomi ranska suomi sanakirja, de J.M. Kalmbach & Seppo Sundelin
- Aux origines de l’art : 50 000 ans d’art préhistorique et tribal d’Emmanuel Anati
- Pere Guisset : presentació i antologia (de Pere Verdaguer)
- L’Europe des origines de Venceslas Kruta
Bé, donc jo que passi la cadena a’n Xevi, au Grateful Frog, a l' Emboligol e a Roqueserière-con !
E tot que s'acaba dab musica (aqueste còp lo grop Värttinä, enqüera mercés a pidzej78):
2 comentaris:
de res, grandet!
ieu tb aimi plan Juan Marsé. Lo darrièr que legiguèri foguèt Lolita's Club, qu'es pro diferent dels autres.
Excellents los libres per l'iscla deserta... Me los prestaràs kand i serem sus l'iscla?
D’acòrdi, te prestarai los meus 4 libres quand i serem , mas sonque a tu e pas a degun mai! Cal pas me prene per una biblioteca !!!!! Bé, valdriá mai qu’arribéssem pas totes dos al mateis temps dins aquesta fotuda iscla. Aital, lo primièr que desbarcarà alà (per exemple, ieu, per talastre), i portarà sos 4 libres, alara que l’autre, en fin vòli díser l’autra (tu), podrà venir amb 4000 autres (o mai se vòs), ja que l’iscla serà pas mai deserta. Anem ! Te demora pas sonque que fargar una lista de 4000 libres !!! :-P
Publica un comentari a l'entrada