dijous, 21 de juny del 2007

Helsinki: l'auca de gauta blanca (Branta leucopsis)


L'auca de gauta blanca (en catalan: oca de galta blanca), enqüera aperada auca maritima, que nidifica dens las regions articas.

Per l'ivern, l'auca maritima que baisha cap a las còstas de la Mar deu Nòrd, d'Irlanda e de la Mancha , a còps dinc a Normàndia o mes au sud quan lo hred ei particularament maishant. Qu'ei estat tanben observada en Camarga e dens los marescs (aiguamolls) de l'Empordan, mes que i ei inabituau acerà. Las aucas de gauta blanca que's reproduseishen principaument dens las isclas articas de l'Atlàntic Nòrd. Que i a tres populacions principaus, las tres dab airaus d'ivernatge e de reproduccion diferents. De l'oest à l'est:
1/ Reproduccion a Groenland, ivernatge dens las isclas hebridas d'Escocia e a l' Irlanda del oest. Populacion aproximativament de 40.000 individus.
2/ Reproduccion a Svalbard (isclada deu Spitzberg, en Norvègia), ivernatge a Solway Firth a la frontera anglo-escocesa. Populacion aproximativament de 24.000 individus.
3a/ Reproduccion a Novaia Zemlia (isclada deu Nòrd-Est rus), ivernatge aus País-Baish. Aquera populacion compta aproximativament de 120.000 individus.
3b/ Ua navèra populacion, eishida de la populacion de Novaia Zemlia , s'ei establida despuish 1975 dens las isclas e còstas de la mar baltica (Estonia, Finlàndia, Danemarc e Suèda), e contunha d'ivernar aus País-Baish. La population qu'ei de quauques 8,000 individus.


A Helsinki, aquera auca que i ei fòrça comuna. Ua auca pon quate o cinc ueus, e los aucons son neurits ("eslhevats") peu coble.
Totun, i a aucas qui s'estiman mes hèr ueus en nids de congenèras e pro...çò qui pòt hèr familhas de las nombrosas!!!
Aquera parelha (foto mes a baish) que neureish 26 petits!!!



Ua colonia de calhòcs (Larus melanocephalus). De notar: calhòc o cravan o malhon en gascon que's ditz gavian o gavina en lengadocian e gavina en catalan.


Lo cravanalh qu'ei destorbat per l'arribada d'ua familha d'aucas: un calhòc que soa l'alarma. Lo guiròt pòt amuishà's agressiu quan e neureish aucons. Non tolera pas la preséncia tròp pròcha d'autes ausèths, que sian de la medisha espècia o non. Los aucons de las autas familhas son pas tanpauc tolerats, los parents saben perfeitament arreconéisher los lors!















PS. guiròt (gasc.) = auc (leng.) = oc (cat.)

8 comentaris:

Mela ha dit...

rai, es cultural ton blòg , n'aprenem de causas ;)

Joan de Peiroton ha dit...

D'acòrdi, Mela, mas cossí se fa que t'avem pas encara vista a cantar la pòlca d'Èva en finés? Ont es la tia video??? :-D

merike ha dit...
L'autor ha eliminat aquest comentari.
Mela ha dit...

Ai pas de qué me registrar :PPPP

( es colhon, non? )

Joan de Peiroton ha dit...

Òc, es totafèit colhon! As qu'a demandar a l'anpoluta!
Bon, tan pièg!!! :))

Mela ha dit...

e lo porre a kal li demandi?

Joan de Peiroton ha dit...

A ton amorosmaicontent, me sembla, non?

merike ha dit...
L'autor ha eliminat aquest comentari.