dissabte, 12 de juny de 2010

Aquí parlem

Aquí parlem qu'ei un programa en lengua catalana de la Ràdio-TeleVision Espanhòla en Catalonha. L'emission deu 11 de junh qu'èra consacrada a la Val d'Aran representada peu son sindic, Paco Boya. De non pas mancar: la seqüéncia (a 2 min 27 s de la debuta) on s'i ved lo Paco dirigint e presentant la prumèra emission televisuau en aranés (titolada era lucana) en la medisha RTVE, dètz-e-ueit ans a. Totun, çò de mes important que son los explics a prepaus de la postura aranesa de cara au projècte de las veguerias - qui fin finau tienerà en compte la revendicacion aranesa de non pas hèr partida de nada vegueria- e l'afirmacion de l'identitat aranesa pròpia deguens (e non en contra) lo conjunt catalan e, mes enlà, lo conjunt espanhòu, ua realitat soent pòc coneguda peus Catalans.

Aquí parlem: 10 de junh


5 comentaris:

Mela ha dit...

es sexi aqueu Paco Boya!!!!

Joan deu Peiroton ha dit...

Mela: per fin ai comprés! Sès tu l'autora del blòg de las Sindiquetas!

Mela ha dit...

Non, kò's pas ieu :)
Foguèsse ieu, i auriá de fòtos en gròs de Paco que soritz amb las rufetas als uèlhs que se fan quand soritz (raaaaaaaaaa) e i auriá de fòtos amb Paco e un capèl negre.

Seriás pas gelós?

Joan deu Peiroton ha dit...

Si! Ja tot pichonet, voliái far de sindic d'Aran coma mestièr, trobavi aquò magnific. Ailàs, mos paires m'an descoratjat e soi vengut blogaire inutil. Encara una vocacion gastada. Es colhon, quand meme.

Anònim ha dit...

Pares, escoltin, deishin bostès de donar lhiçons e de fer demagogia amb aquestas cossas!