diumenge, 12 de desembre de 2010

Lenga forestièra

Lo darrièr comunicat d'Iniciativa per Occitània m'a ficat dins un estat de perplexitat abismala. I afirman - e pas sonqu'un còp- que lo francés es una lenga "forestièra" (o siá forestau en lengua occitana oficiau) en Occitània. Sai pas se podèm dire que lenga francesa es mai forestièra en Occitània qu'en Illa de França, en tot cas la lenga occitana sembla plan forastièra (en occitan oficiau: estrangèra) en co d' Iniciativa.

Espèri que los militants motivats per la recuperacion de l'occitan se botaràn pas a creire aqueste comunicat. Seriá colhon que s'imaginèssen qu'en cremar totes los bòsques occitans, poiràn far desaparéisser la lenga francesa de nòstre polit territòri nacional.

Ara sul fons, òc, segur, tròbi patetic e particularament cretin lo jutjament en contra de la senhalizacion occitana de Vilanòva. Gausi pensar que serà pas confirmat en apèl.

2 comentaris:

Asier G. ha dit...

la lenga d'òil qu'ei ua lenga silvana, xD

Jordi Riera ha dit...

Çò sembla mais un discurs independentista radical que autra còsa. Es trist mas Occitània sens francòfons seriá un país ambe pauques pauques gents.


E òc, lo jutjament en contra de la senhalizacion de Vilanòva es fòls!


A lèu :)