Un legedor de Manresa que'm hè remarcar que soli mesclar gascon e catalan en emplegar la conjoncion com a dab lo sens de en qualitat de. Qu'a au còp rason e tòrt. Com en catalan contemporanèu, los gascons ancian e classic que distinguivan com (grafiat cum autescòps) e com a (cum a).
Qu'èi retienguts los exemples qui segueishen, tirats deu Lespy:
Ardoun coum la pistole (X de Navarrot)
Cum pot esser asso?
Cum at pensatz.
Totun:
Augerot, de Garlii e Senaprener, cum a comissaris, los ac mandan (Libe d'Òr de Baiona, sègle 13)
Far ma voluntad cum a dauna (Libe d'Òr de Baiona, sègle 13)
dizo que luy, cum a bayle de Pau, mandare e exequtare (tèxte biarnés, sègle 15)
Accusade cum a posoere (Biarn, sègle 15)
Fe au senhor devers...cum a questau (Biarn, sègle 16).
La conjoncion causau com que deu catalan non s'emplega pas en gascon qui utiliza mes simplament com (dab l'enonciatiu e quan e s'escad). Comparatz aquera frasa catalana dab la soa arrevirada gascona:
Com que els joves han sortit a les sis de casa, han arribats d'hora a la feina.
Com los joens e son sortits a las sheis òras de casa, que son arribats de d'òra au tribalh.
Lo catalan qu'emplega sistematicament com que e non pas com tà exprimir la causa de quauquarren, mentre qu'ei com qui ei emplegat en aqueth cas en gascon.
2 comentaris:
Joan me n'he assabentat de la massacre a Tolosa de Llenguadoc, és una salvatjada intolerable, rep el meu condol i fes el favor de tenir el cor ferm davant els febles que assassinant.
Gràcies pel missatge, Carles! No pensàvem que una cosa així de tan bestial i salvatge podia ocórrer a casa nostra. Qui pot ser aquel boig criminal? Oxalà que l'agafin abans que torni a matar! Sembla determinat, una maquina de guerra veritable. Un militar de formació, penso jo. En tot cas, un boig armat.
Publica un comentari a l'entrada