divendres, 31 de gener del 2014

Adara qu'ei lo men blòg qui ei estat hòrabandit deu Jornalet.



Un lector estomagat que'm hè saber lo men blòg qu'ei estat hòrabandit deu Jornalet. A la plaça deu men messatge passat, que i avè un messatge de l'excellent blòg  De Fil en Veta,  titolat en francés "FÊTE DU COCHON". Que m'ac cau con·hessar: aquò que m'a hèit arríder. Se seré possible que sabossen har arríder, los deu jornalet, fin finala?

"Free Occitània", avetz dit?  En tot cas,  aquerò d'aqueth enigmatic  "Free Occitània"  non sembla pas includir lo concèpte de "libertat d'expression". Free Occitània, totun pas "free l'expression occitana", eh! E tu, capdèth, on t'i credèvas estar alavetz?

Ba, ja ac sabèvam, ja!  A jo que m'i an censurat mei d'un còp, per l'unica arrason que i pretendi voler díser çò qui jo pensi e senti, e, vertat qu'ei, çò qu'exprimeishi  n'ei pas tròp sovent en acòrd dab ua linha editoriau basada sus ua perspectiva qui jo tròbi  pro desconnectada de la realitat e fin finala, pas guaire toleranta, tà ac díser brac. Que i amuishan ua fàcia sectària de l'occitanisme qui non m'agrada pas briga.  L'occitanisme deu Jornalet que'm sembla un somespant en combinar escurantisme de caire dogmatic,  dictatura intellectuau e censura.  N'ei pas la melhor cara de l'occitanisme, aquò. En tot cas, n'ei pas la lectura deu Jornalet qui'm daré enveja de'm convertir a l'occitanisme. Diu me'n guarde!

Bon,  d'estar hòrabandit deu jornalet per delicte d'opinion, aquò rai, aquò non m'a pas matat e n'a pas avut nada  conseqüéncia negativa suu nombre de vesitas deu blòg. 

Entà saber lo motiu de la censura deu men blòg peu jornalet, que podetz voler léger lo messatge qui a causat l'ira deus nostes amiguets. Que'vse sufeish de clicar aquiu. Non trantalhetz pas en clicar e tornar de clicar suu ligam, atau que haratz aparéisher lo dit messatge hens la lista deus mei lejuts (a la banda dreta de la hièstra deu blòg, avath). Atau lo ligam tad aqueth messatge que i demorarà vededer per tostemps,  ad vitam aeternam.  Se'u podetz véder citat en aquera lista, alavetz qu'ei dejà mission accomplished, pas mei besonh d'arriscar ua tendiniti deu dit. 

Anem, per la libertat d'expression en quina lenga que sia, clicatz !:-)

E brembatz-vos de la dita de Beaumarchais:

"Sans la liberté de blâmer, il n'est point d'éloge flatteur".

EDIT 23 de heurèr: lo men blòg qu'a tornat trobar la soa plaça en la lista deus blògs repertoriats peu Jornalet. Per jo, l'incident qu'ei acabat. 

19 comentaris:

L'agaçon ha dit...

En occitan deu jornalet, gascon que's ditz troll. :-D
Contunha atau e te'n hàcis pas. E dejà que'u vesem, lo ton messatge iconoclasta! Qu'a pujat los grads e que pugi enqüèra!

Joan de Peiroton ha dit...

L'agaçon: mercés peu compliment e per l'encoratjament. Hòrt apreciat!

Anònim ha dit...

Sen foutem drin dou jornalet! Nousatis que'p seguechem toustém e lége lou boste blog en gascoû que-nse hè counten e urous! N'ey pas escriut en grafi nouste mès aco ray! Que-ns agraden los bostes articles, que soun plâ interessent! Endaban! Countugnat atau! Qu'èy clicat coum ns-at abet doumandat entà ha puyà lou messadye ;-))

Joan de Peiroton ha dit...

Anònim: mercés per l(encoratjament e la solidaritat! Lo messatge qu'a plan pujat los grads deu "ranking", efectivament. Qu'ei en bona plaça, ja!

Anònim ha dit...

Adiu,
Vene de legir ton bilhet coma luquau sei de bana,
Vene de charchar ton blòg dins la lista dins la rubrica « blòcs » dau Jornalet :
http://www.jornalet.com/blocs/
e tu n'i ses pus !

Se quò contunha entau, damandarai de pus i estre maitot, los daissaram entre occitans "blòs".

JP la rapieta

Joan de Peiroton ha dit...

Adiu car Cavalhèr de la Rapieta!
Ba, pas besonh de'n far ua malautia tanpòc. Qu'ei mei daumatge peu Jornalet que per jo. Que i a de combats plan mei importants e mei urgents. En tot cas, mercés peu message de solidaritat!

Anònim ha dit...

L'occitanisme du Jornalet est celui qui a le plus d'influence dans les institutions: élus occitanistes, artistes officiels du régime, associations qui captent 99% des subventions, éducation nationale univoque etc...
L'occitanisme porte en lui les dérives auxquelles nous assistons de la part d'extrémistes comme M. Sumien. Le ver est dans le fruit depuis le début et au bout du bout de la logique de ce mouvement il y a M. Sumien. Tant pis pour ceux qui ne l'ont pas encore compris ou bien ne veulent pas le comprendre, pour diverses raisons qui leur sont propres. L'occitanisme doit être critiqué de manière radicale et les honnêtes gens devraient s'en détourner définitivement.

Anònim ha dit...

J'ai oublié d'ajouter que, pour celui qui ne se voile pas la face, le projet occitaniste en ce qui concerne le gascon est clair, et ce malgré les beaux discours de façade et les dénégations. Le gascon est un dialecte qui doit être au mieux rectifié, afin de correspondre à un standard panoccitan, au pire éliminé afin de laisser place à l'occitan standard unique qui sera à base quasi exclusive de "languedocien". ceux qui refusent de voir cette réalité sont dans le déni et je n'ai jamais compris pourquoi ils refusent de voir ce qui est pourtant chaque jour plus patent.

Joan de Peiroton ha dit...

Anonime franchimandejaire: Jo non comparteishi pas briga la vòsta vision negativa de l'occitanisme. Qu'èran o que son occitanistas los qui m'an transmesa la lenga gascona, qu'ei gràcias ad eths qu'aqueth blòg existeish. Non soi pas briga occitanista (pas mei que catolic), aquò non m'empacha pas de reconéisher dab bon grat los aspèctes positius d'aqueth movement. Personauments, non hèi pas la confusion enter ua ideologia escurantista com la d'en Domergue Sumien e l'occitanisme en generau.

Anònim ha dit...

Vous ne devriez pas utiliser le mot franchimand (-ejaire) avec la nuance de mépris que lui accolent les occitanistes. Il n'est pas honteux de s'exprimer en français. Une dernière fois l'occitanisme, en toute logique, aboutit à l'élimination des dialectes, dont le gascon, qui sont par nature déviants par rapport à la norme. Peut-être l'admettrez-vous un jour. Les militants de bonne foi que vous avez rencontrés sont assez isolés et, en tout cas, très silencieux. Silence complice puisque qui ne dit mot consent.

Joan de Peiroton ha dit...

Anonime franchimandejaire: n'èi pas nat problèma dab lo francés qui ei la mea lenga mairana. Hens lo mot franchimandejaire, non i vediatz pas arren mei que "qui s'exprimeish en francés". Sequenon, causitz un chafre tà comentar, en vos pregar; atau, nat problèma.

Anònim ha dit...

Adieu, Joan, soi lo Manèl Zabala. Soi un dels conselhièrs de Jornalet quand Jornalet vòl conselh.
Aicí vau parlar coma Manèl, pas coma Jornalet. Ai dich i a longtemps a Jornalet que soi contra de las polemicas sus afars de lingüistica. Jornalet deu èsser un jornal. Solament un jornal.
Dins los jornals i a un responsable de lenga. Aquò se passa dins totes los jornals. Aicibàs, a Catalonha te pòdi dire que, a La Vanguardia lo dictator de la lenga es un òme que se ditz Magí Camps, a Ara, lo dictator es un òme que se ditz Albert Pla Nualart... A Jornalet, jornal nascut en 2012 lo dictator se ditz Domergue Sumien. Se Jornalet aguèsse nascut en 2000 lo dictator seriá estat Jacme Taupiac, segurament ( e tot seriá ambe, no amb); e aguèsse nascut en 1980 lo dictador seriá estat Ramon Chatbèrt ( e diriam fonccion, e non foncion, e fariam l'ortotipografia a la francesa).
E ponch. Aquò's aital. Cal una persona qu'aja aquela autoritat. Dins tot jornal seriós cal aquela autoritat.
Puèi, tornam a JORNALET DEU ÈSSER UN JORNAL, deu pas èsser un terren per la garrolha lingüistica.
Ieu almens, aquò o vòli pas.
Se totas aquelas energias degalhadas en embestiar los collègas las emplegavas en embestiar lo monde qu'empachan l'escòla en occitan, la visibilitat de l'occitan, l'oficializacion de l'occitan... cresi qu'ajudariás mai a l'occitan. O al gascon, se vòls.
Parlas mai de DS que de la dictadura lingüistica a França. tròbas qu'aquò es normal?

Cercaval ha dit...

Soi un pauc moquet d'aqueles guirguilhs que balhan un marrit imatge de l'occitan.
Que que ne siá plan mercé per la reclama, qu'èri a mand d'arrestar lo blòg.
E bon coratge per la seguida.

Joan de Peiroton ha dit...

Manèl e Cercaval: mil excusas per lo retard de la publicación deus vòstes comentaris qui s'èran esconuts. Qu'acabi tot juste de'us trobar.

Manèl:
Non patescas pas, que soi plan conscient de çò qui's passa, aquò rai.

Quant a a "dictatura lingüistica de França" , qu'a lo soport de la majoritat deus occitans. No'us geina pas briga, pr'amor que l'an decidit eths medishs. Non vivem pas en ua dictatura, qu'ei ua causida democratica, aquò. Segur qu'aquò m'agrada pas. Totun, aquò non m'empacha pas de m'exprimir en gascon e en tota libertat. Soi pas convençut qu'ac poirí har en un Estat occitan: lo jornalet que'm hè paur. I soi estat censurat sonque per delit d'opinion (non pas per manca de respècte o qué que sia d'aute), e quitament tà díser la vertat, de manèira objectiva, a prepaus de l'UNESCO qui reconeish lo gascon com a lenga e e de la mapa de las lengas romanicas de la wikipèdia on lo gascon i figura com a lenga distinta de l'occitan. Jo soi mei a favor d'un Estat pròpi gascon, la vertat. Atau, n'aurém pas besonh de la permission deus non-gascons entà poder oficializar la lenga gascona. En tot cas, gran mercés peu comentari!

Cercaval: as aumens un lector que se regala en seguir ton blòg: soi ieu. :-D. Mercés pel comentari…e per ton blòg!

Anònim ha dit...

A l'ora d'ara lo Jornalet a publicat pas cap d'article contra aqueste blòg, mas aqueste blòg n'a publicat qualques uns contra Jornalet... E cal dire que lo Jornalet es lo produch de mai qualitat qu'avèm en occitan, es normal que los calucs lor agrede pas,

Joan de Peiroton ha dit...


Anònim, non, n'ei pas vertat, n' èi pas publicat nat article contra lo jornalet en dehòra d'aquest, plan legitime . Absoludament nat. Sequenon, quins?

No'm senteishi pas briga concernit per la remarca sus "caluts" (terminologia caracteristica de l'estalinisme, inventor deus espitaus psiciatrics tà "suenhar" los opausaires politics ) aus quaus no'us agradaré pas lo jornalet. Quant a aquerò deu "produch de mai qualitat" qu'avetz en occitan, qu'ei un chic exagerat, ça'm sembla. En tot cas, non, jo n'ac pensi pas briga.

Jo que'm pensi lo problèma que pausi au jornalet qu'ei sonque de perpensar librament e de tirar conclusions qui non caben pas hens lo sistèma de pensada estalinian d'aqueth jornau e pas arren mei. Qu'ei per aquò que m'an censurat: la paur a la contradiccion e a la vertat, pas arren mei. Qu'an gran tòrt. Qu'an un problèma dab la vertat e dab la realitat. Aquò rai, qu'ei lo lor problèma, pas lo men.

Farri ha dit...

Car Joan,

Un legeire m'a hèt arremercar eth tòn blòg, a on me dides de tot mens beròi.

Alavetz, un viatge liejudes es tues acusacions de dictador e censor, que sò anat a veir se que se passaue en logiciau de Jornalet. Es blògs restacadi se meten a jorn per un procès automatic cada dia, e es de blògspot, de còps, que pòrten problèmes.

En veir qu'eth tòn blòg auie problèmes, l'è tornat configurar, e per çò que pogui veir ara be marche plan.

Dilhèu serie mès elegant de contactà'm dirèctaments a jo, se vedes qu'eth tòn blòg ja non ei listat en Jornalet, que non pas foter-me a parir.

Amistosament

Ferriòl Macip
www.jornalet.com

Joan de Peiroton ha dit...

Adara lo men blòg qu'ei de nau arrepertoriat en la lista deu jornalet. L'incident qu'ei clavat per jo.

Joan de Peiroton ha dit...

Ferriòl: car Farri,
Mercés peu ton aclariment. Que m'estimi mei la version de l'accident informatic que non pas lo de la censura, en efèit. Accident oblidat, de tot biaish.

Lo men prètzhèit n'ei pas de prejudiciar a qui que sia e sustot pas au jornalet. Lo men prètzhèit qu'ei d'exprimir en gascon çò qui pensi e qu'arressenti, pas arren mei. Perpensar e escríver en gascon, qu'ei çò qui m'agrada a jo. Que compreni totòm non pòt pas estar d'acòrd dab jo, e a jo no'm sembla pas briga desirable ni utile que totòm sia tostemps d'acòrd dab jo. Deu debat e de la confrontacion pacifica que vad lo progrès.