Ai trobat aquesta jòia sus l’excellent blòg de Thierry Offre (l’Embolígol).
Serà l’infèrn exotermic o endotermic ? (Question bonus a un examen de fisica-quimica de l’Universitat de Nantèrra). Vaquí la responsa d’un estudiant, virada en lengadocian per vòstre servidor, aqueste còp pas en gascon, ai agut pietat de mos lectors catalans ;), trobaretz la version originala francesa sul blòg de Thierry !!!
En primièr, nos cal saber coma varia la massa del infèrn en foncion del temps. Nos cal tanben saber amb quinas frequéncias las anmas dintran e sortisson de l’infèrn. Me pensi que podem postular sense cap de risc qu’un còp dintradas en infèrn, las anmas ne sortisson pas jamai. Doncas, cap anma ne sortís pas.
Egalament, per calcular lo nombre de las dintradas de anmas en infèrn, nos cal examinar lo foncionament de las religions diversas qu’existisson pel mond al jorn de uèi. La màger part d’aquestas religions afirman que si sètz pas dels lors, acabaretz en infèrn. Coma, de religions, n'i a fòrça mai d'una qu’exprimisson aquesta règla, e coma la gent pertanh pas a mai d’una sola religion, podem predire que totas las anmas acabaran en infèrn.
Ara examinem la velocitat del cambi del volume de l’infèrn, ja que la lei de Boyle precisa que « per tal que la pression e la temperatura demòren constantas en infèrn, cal que lo volume de l’infèrn se dilate de manièra proporcionala a la dintrada de las anmas ». Per consequent, aquò pòt menar a doas possibilitats :
1. L’infèrn se dilata amb una velocitat mendre que la de la dintrada de las anmas en infèrn, doncas la temperatura e lo volume de l’infèrn creissaran infinidament fins que l’infèrn espète
2. Si l’infèrn se dilata a una velocitat mai granda que la de la dintrada de las anmas, alara la temperatura baissarà fins que l’ infèrn se gèle completament.
Quina ipotèsi causir ? S’acceptam lo postulat de ma camarada de classa Jessica que me diguèt pendent ma primièra annada d’estudi: "que farà fred en infèrn abans que colque amb tu " e, prenent en compte lo fait que colquèri amb ela la nuèit passada, doncas l’ipotèsi 2 deu èsser la vertadièra. Aital, soi segur que l’infèrn es exotermic e qu’a dejà gelat… Lo corollari d’aquela teoria es que, ja que l’infèrn a dejà gelat, en consequéncia pòt pas acceptar mai de personas e doncas existís pas pus, çò que daissa lo paradís coma opcion unica en provant l’existéncia d’un ésser divin, çò qu'explica per qué, la nuèit passada, Jessica s’aturava pas de cridar : " O… mon Dieu ! "
6 comentaris:
és un honor que ens linkis, estem a la teva disposició pel que fagi falta, nosaltres també et linkem i ens mantenim en contacte
salutacions des de Reus Catalunya
Té: això de l'honor de l'enllaç, mira, el teu bloc/g mereix la volta! Les teves fotos són genials! Un regal!
Que bo el text! He rigut. De totes maneres, val a dir que oficialment no són tantes les religions que pensen que els qui no són del seu grups van a l'infern. Almenys la cristiana no és, d'aquestes. Altra cosa és que alguns ho pensin.
M'has fet riure, Eduard, perquè la meva dona, que és jueva, va dir-me la mateixa cosa però ella se referia al judaisme, clar! :))! De tota manera, ja que aquí veiem provat de manera molt científica que l'infern és una cosa del passat, el debat s'ha exhaurit :))!
ostres amic Joan... a mi sempre em deien que aniria a l'infern..perque soc un "rojillo" jajaja molt bon post!
Osca per lo druditge de ta revirada e per aquesta ilustracion...d'infern !
Emboligol
Publica un comentari a l'entrada