divendres, 1 de febrer de 2008

Raça judiva

Quan lo voste servidor, gessit d'ua familha gala e hèra catolica, e's maridè sa judiva de hemna, non sabè quasi arren deus judius. Au dia de uei, au cap de quasi 30 ans de maridatge, que'n sap un pòc mei
Per exemple, a la question s'existeish ua manèira de distinguir un judiu d'un non-judiu, la responsa qu'ei: òc, e jo que'm vse'n vau ensenhar quin podetz hèr.

En generau, los judius se distingueishen deus non-judius de la manèira seguenta. Com ac sabetz, la majoritat deus non-judius qu'an la pèu de color quasi negra o en tot cas escura, o que son "jaunes" dab los uelhs de chinés. E ben, n' ei pas lo cas de la majoritat deus judius, que son blancs de pèu e n'an pas los uelhs de chinés. Tà v'ajudar a plan compréner, que vs'amuishi ua fòto de judius occitans.(E son beròis, aqueths, vertat? Hehe, b'ei normau ! Que son deu Peiroton ;)).



Totun, lo men metòde d'arreconeishença deus judius n'ei pas hidable a 100 % pr'amor que i a excepcions. Per exemple, la fòto qui segueish qu'ei la d'un rabin japonés. Los prumèrs judius japonés qu'estón mercants iraquians qui s'installèn au Japon a la fin de l'atge mejan. Que s'i son mesclats a la populacion locau e, uei lo dia, los descendents judius deus mercants iraquians qui semblan plan mei japonés que non pas arabes...




Ací-dejós, qu'avetz la foto d'un judiu chinés dab son hilh (debuta deu sègle 20) :




Los judius arribèn en China au sègle VIII o IX. I vivón de manèira isolada de las autas comunitats judias dinc a l'arribada deu jesuita Mateo Ricci (1588) qui los judius chinés prengón per un coreligionari. De Judius chinés d'origina, non n'i a practicament pas mei, que s'i son tots assimilats. Ne demoran haut o baish sonque 600 que's revendican com judius . Aquí qu'avetz ua fòto d'ua familha de judius chinés.



Los Bne Israel que son judius indians :




Los Lemba son judius de lenga banto qui viven a Zimbawe e en Africa deu sud. Son geneticament aparentats a los lors vesins banto non-judius e tanben aus Bne Israel.





Los Falashas que son judius etiopians :



Los Abayudaya son judius d'Oganda. L'historia deus Abayudaya ei particulara. Son los sols de la mea lista qui non reïvindican pas nada origina ebrèa. La comunitat qu'estó fondada per Semei Kakungulu en las an(n)adas 1890, deu temps de la colonisacion anglesa. Kakungulu que's convertí au cristianisme anglican, puish que rejetè l'anglicanisme tà hà's protestant malaquista. Los malaquistas qu'an guardat ua influéncia mes grana deu judaisme: non minjan pòrc, observan lo dia de repaus lo dissabte e non pas lo dimenge... Finaument, Kakungulu, vadut pastor malaquista, que trobè la version més antiga de la religion - lo judaisme deu prumèr testament - que devó estar la vertadèra e doncas, tots los fidels que's proclamèn... judius (abayudaya en lenga luganda). Practican un judaisme un chic influenciat peu protestantisme malaquista. E lo mes extraordinari (enfin dilhèu non) ei que los abayudaya e pateishen de l'antisemitisme deus sons vesins musulmans e cristians...



Com podetz véder, la diversitat fisica deus judius qu'ei quasi autant grana com la de l'umanitat. Ara que sabetz com jo que n'i a pas nada raça judiva. Los qui disen lo contrari que son o ignorants o racistas.



E tà acompanhar las meas consideracions etnologicas de uei, que'vs hèi escotar lo psalme 136 cantat per los Abayudaya en luganda, la lenga de la comunitat e tanben la lenga nacionau d'Oganda. "Mercejem lo Senhor car Diu ei bon". Normaument, lo psalme que's canta a Pessah, la hèsta de la Pasca judiva, ja que lo psalme hè referéncia au miracle de la traversada de la mar roja peus ebrèus en huéger de las armadas deu faraon d'Egipta. Aquí, la musica qu'estó compausada especiaument tà celebrar la caduda deu dictator Idi Amin Dada qui s'escadó pauc de temps abans la Pasca judiva en 1979.



E ja qu'èm divendres, escotem Lekhah dodi (vien amor men) cantat en ebrèu per los medishs Abuyudaya. Aqueste poèma qu'ei universau en çò deus Judius, sonque la musica pòt variar segon las comunitats. Que's canta lo divendres de ser a la sinagòga e a casa tà celebrar l'arribada deu shabbat. Lo poèma qu'estó escriut per lo rabin e kabalista Shlomo HaLevi Alkabetz en Palestina au sègle XVI. Alkabetz neishó a Salonica en 1505, de parents espanhòus, e emigrè a Sfat/Safed en Galilèa (uei en Israel), on e's morí en 1584.

12 comentaris:

JP la rapieta ha dit...

"...Ara que sabetz com jo que no i a pas cap raça judiva. Los qui disen lo contrari que son o ignorants o racistas..."

A la debuta de queu bilhet ai 'gut un pauc paur mas, fau 'nat jusca a la fin.

Blas Jesús Sánchez González ha dit...

Era raça des israelians és semita, pas judiua.

Es judius son ua religion.

Joan deu Peiroton ha dit...

Oc e non, Jesus. Es judius son d'ua religion o d'un pòble. Mès non i a pas cap raça israeliana ni semita. Es israelians son de totas eras raças, se reaument eras raças existeishen. N'i a que son de tipe nord-europeu, d'autes de tipe mediterranean o nord-african, d'autes que son negrafricans (etiopian), d'autes de tipe indian, quauqu'unsde tipe extreme-oriental(mès n'i a totun), un gran nombre de tipe arabe...)eca... Sonque la lengua (l'ebrèa) ei semita, com ei l'arabe o l'amharic (lenga oficiau a Etiòpia). Semita n'ei pas james estat ua raça. Qu'ei ua familha de lengas.

Blas Jesús Sánchez González ha dit...

Mès son judius per eres sues creences. Son semites pera seua cultura si era seua cultura és semita.

Bòna reflesion sobre si existeishen raças. Existeishen grups. Existeishen ideologies. Existeishen religions. Existeishen creenças. Existeishen partits polítics. Donques, existeishen raças. Mès son conceptes artificials, çò és veritat.

Però jo què seria. Els meus pares són andalusos, i jo he nascut i viscut tota la vida a Catalunya. Visc en català i en castellà. Em sento català, però també em sento espanyol (ja t'avanço que no és el cànon general, és el meu cas particular). Parlo i defenso ambdues cultures. Per mi no estan enfrontades, coexisteixen, i punt.

Sóc 100 % català? Sóc 100 % andalús? Potser ni les races ni les cultures són absolutes. Jo em sento català, però tampoc nego ser d'Espanya.

I, malgrat la teva lluita per la defensa de la llengua i cultura occitana, vius 100 % en òc? La realitat s'imposa i és una llàstima. Em penso que l'únic lloc on la teva llengua és oficial és a Catalunya i perquè això s'ha aprovat recentment amb la reforma de l'Estatut.

El teu DNI dirà, segurament, que ets francès. Però tu parles òc i vius a occitània. Si no existissin races, ni pobles, com defensaries que ets occità?

Hi ha algú que sigui 100% catòlic?

Existeishen jueus, com a religion, i çò pas vol dir discriminació, sinó concrecció. Son d'un sentiment i identificació concreta i individual del madeish individu que s'identifique com a mèmbre d'un grup o sentiment.

Això no és racisme. Les persones s'enquadren dintre d'un sentiment o grup o cultura per elles mateixes.

Salut!

Joan deu Peiroton ha dit...

Ai, Jesús tens tota la raó sobre el meu DNI: diu que sóc francès. I no tinc cap problema amb això: em resultaria molt dificil negar que sóc francès. Vaig nèixer a París de pare orleanès i de mare parisenca. Doncs si, sóc francès, i quan dic francés, pots comprendre francès-francès, eh? De l'isla de França, que. La meva sang occitana? No en tinc ni la meitat d'un quart de goteta. No en faig una malaltia. Fa 20 anys que visc a Occitania i m'expresso en occità perquè és la lengua del país on visc. I prou. He escollit el país, i m'aproprio la llengua que fa part del país. Res de molt complicat, finalment. Això no vol dir que no m'agradi la llengua francesa, però en aquest blog, és l'occitana que té la paraula, que no la té gaire enlloc, pobreta! I m'agradaria que més occitans es tornessin blogaires. Crec que blogejar en occità és un acte de militantisme. A la meva manera, em considero com un militant al servei de la llengua occitana.

Jacob ha dit...

Un bon post, Joan. I un gran debat també. Nomé puc afegir que no hi ha races, només persones que amb les seves creences el món avança a moments, encara que sovint passa a l'inrevés.

Joan deu Peiroton ha dit...

Jacob, tens tota la raó. La diversitat genetica de l'ésser humà és molt petita, les dades de la biologia molecular ens suggereishen que l'Adam de la humanitat actual va neixer sols fa 150 000 anys. No t'estic parlant de tota l'humanitat passada, que el nostre gènere és molt més antic, clar. I efectivament, això de la realitat de les races humanes actuals no és tant clar des del punt de vista del genetista (que en sóc ú, jo).

k ha dit...

je ne comprends pas tous ces discours qui donnent l'existence rien que d'en parler!
pourquoi devrions nous associer une religion, une langue à un territoire? et à fortiori à des caractéristiques physiques. Besoin de classer, de maîtriser le monde? trouver des ressemblances avec des "étrangers" fait si peur!
C'est peut être la diaspora qui a une réponse possible. Transmettre où que l'on soit.

Pomponeta ha dit...

los josius de China e d'India correspondon a las tribus perdudas d'Israël?

pomponeta

Joan deu Peiroton ha dit...

wow! De comentaris de Dauna K e ara de la Pomponeta !!!!Soi lo blogaire mai urós de totes los blogaires del mond entièr !!!!!
Doncas per la Pomponeta :
Los josieus chineses son de descendents de josieus de lenga farsi (iranian) o del grop turc (asia centrala) qu’arribéron en China per la rota de la seda au sègle 8 o 9. Doncas, son plan deu judaisme rabinic « tradicionau ». Son reconeguts coma josieus per los gran rabins d’Israel mas an pas fach lor Alyah en massa (n’i a quauqu'uns en Israel qd mm)
http://chinese-school.netfirms.com/Jews.html



En India, i a diferentas comunautats josievas d’origina distincta e de lenga diferenta.
Segon la lor pròpia tradicion, los Bne israel son de descendants de ebrèus que fugiguèron las persecucions en Galilèa al sègle 2 abans JC, doncas plan abans l’epoca del judaisme talmudic. La lor lenga es lo Marathi, e fisicament son pas diferents dels Marathas non-josieus. Contunhèron de practicar un judaisme primitiu (observacion del Shabbat, tabo alimentari, algunas fèstas) , puèi an modernizat la lor practica segon lo judaisme rabinic au contact dels josieus indians de la comunautat Conchinesa. An emigrat en massa en Israel, mas pas tots.
Los josieus cochineses son del sud de l’india
Los josieus « Bagdadi » que, coma lo lor nom l’indica, son d’origina iraquiana, arribats en India al segle 18.
Los Ashquenazim, plan segur, de lenga yiddish e anglesa
E òc, la tribu perduda : los « Bne Menashe » de Manipur, una autra comunautat.
Cadascuna d’aquestas comunautats a sas sinagògas propias.


Los Lemba, los josieus africans de lenga Banto, se dison descendants d’ebrèus imigrats au yemen puei que quitèron lo yemen per s’installar en Africa del sud. Son pas considerats com josieus pels rabinats iraelians. Çaquelà, la lor origina ebrèa es plan possibla segon d’analisis d’ADN que mostran de formas de genas força espandidas a la mediterranea oriental e raras en Africa.

Te parli pas dels Falashas, que soi segur que los conoisses fòrt plan.

Blas Jesús Sánchez González ha dit...

À k:

Cap raça, ni cultura ni religió és absoluta.

Aquest és la reflexió. Tu mateix has dit que no es pot associar una raça, una cultura o una religió a un territori.

Ja pots riure. Quan investiguis sobre els orígens del teu arbre genealògic ja em diràs si tenim raó o no.

Tots els conceptes de pertanyença a un grup són artificials i relatius.

Salut!

JP la rapieta ha dit...

Torne sus queu bilhet per te balhar quela informacion .
I a sus franca cultura, tots los sers, despuei lo 10 de març, dins "à voix nue", una parladisa sus la cultura judiusa

http://www.radiofrance.fr/chaines/france-culture2/emissions/avoixnue/