diumenge, 4 de gener del 2009

Arribèsse l'estiu !!!


Que soi a classar fòtos de l'estiu passat...Que m'a balhat lo còp de blues, aquò...
Segur, que m'estimi fòrça mei l'estiu que non pas l'ivèrn.
Ua calorassa qui crama coma cau, ben òc, que m'agrada a jo.

La fòto deu haut qu'ei estada prenguda a Calella de Palafrugell (Baish Empordan).

Tè, los palmièrs que son plan de plantas d'estiu. Las fòtos qui segueishen que son estadas prengudas a Pontellà (Rosselhon).
Au prumèr plan, un alinhament de Washingtonia x af. robusta (Nòrd-oèst deu Mexic), a dreta un datilhèr de las Islas Canàrias (Phoenix canariensis), e los chicòis a man esquèrra que son de sabal sp. (las tres Americas).


Los palmièrs-abricòts (Butia capitata) que son de Paraguai, deu sud de Brasiu e deu nòrd de l'Argentina. Que hèn frutas comestiblas de color jauna o roja, mes o mens saborosas segon los especimens. Que pòden servir tà hèr marmeladas e licòrs.


Lo palmièr-zinc (Brahea armata) qu'ei deu nòrd-oèst de Mexic.


Un aute palmièr-abricòt:


Un grop compausat d'un palmièr-abricòt e de datilhèrs de las Islas Canàrias:


4 comentaris:

Mela ha dit...

Ben ieu m'agrada pas l'estiu
Sudas, i a de mond de'n pertot, fa caud de'n pertot, la toristalha pren totas las plaças. A ieu m'agrada mai la prima. òsca per las fòtos de palmièr... Per çò qu'es de Calella... e ben aimi melhor i anar fòra sason...

merike ha dit...

Els meus favorits a Finlàndia són els llargs nits d'estiu el juny. No m'agrada viatjar a qualsevol lloc on la temperatura són més de 30 graus. Les temperatures altes són dolentes per a la meva salut. Malauradament.

Florent ha dit...

Jo tabé qu'aimi hèra los palmièrs!
Qu'èi un sarròt d'espécias, T. fortunei, P. Canariensis, Washingtiona filifera & robusta, tabé petits Jubaea e brahea armata, eca...
Ah... calor, calor....... TORNA A NOSTE!!! :D

Joan de Peiroton ha dit...

Hlo: a ben jo tanben! Qu'èi totas las espècias que citas, e T. wagnerianus, T. princeps, P. dactylifera, Brahea edulis, quauques Parajubaea torallyi , Chamaerops humilis e humilis cerifera, sabal sp., Butia capitata, B.paraguayensis e B. yatay, Nannorrhops eca...La màger part venen de granas germinadas a casa.