dimarts, 14 de desembre del 2010

Scrabble basco


Dilhèu n'ac sabetz pas mès la pelòta vascona - mes coneishuda com pelòta basca- qu'ei ua disciplina esportiva plan arrepresentada a Tolosa, vila dejà casi gascona.


L'especialitat de la vila mondina non ei pas tant la chistèra (un mot plan gascon, deu latin cistella), qu'ei la pala corta. Que son hèra hòrts a la pala corta, los Tolosans. Que representèn França e que guanhèn la medalha d'aur au darrèr campionat deu mond de pelòta vascona, en tot bàter Espanha. Aqueth eveniment memorable que s'escadó en Biarn, tres mes a.

Doncas, que passèm ua partida de la jornada de dimenge au trinquet tolosan deus Argolets, manèra de celebrar la victòria occitana. Bon, que i èram com espectators, plan segur, pr'amor jogar a la pelòta basca, que non soi segur qu'aquò sia ben adaptat tà quauqu'un com jo. Enfin, sia que'm haré ben, sia que'm tuaré definitivament, anatz saber.

D'espiar la partida, qu'èram a nse'n ua hèsta quan, còp sèc, Ramón, un galhèc d'Arièja, e's hiquè a filosofar tot hòrt:
"Aqueris macarèus de bascos, que'm demandi quin hèn na jogar ath scrabble: ambe totas aqueras K, X, Z, deven cap jamès poder acabar eths mots, con! "

5 comentaris:

Maime ha dit...

Crese que l'i fau explicar que la proporcion de las letras dins lo Scrabble depend de la lenga ?

Mela ha dit...

Maime a decidit de far son seriós e poirir totes los deliris dels autres en nos dire la realitat afrosa pas brica deliranogèna. :DDD

Maime ha dit...

Poirisse los blogues daus autres per que tot lo monde venhian sus lo meu per rire... :-P

Enfin, sus lo meu qu'es serios maitot... nonmas de las istòrias vertadierament veraias... :-D

Anònim ha dit...

amb Scrabble Cymraeg en Gal.les

http://www.flickr.com/groups/scrabblecymraeg/

Joan de Peiroton ha dit...

L'edicion deu scrabble basc que's ditz EUSKARBEL. Ai ajustat l'imatge. :)