dimarts, 7 de desembre del 2010

Tornat

Adishatz a tots,

Òc, qu'èri partit luenh d'Internet. Qu'avèvi gana de passar per la libreria Tantín de Santander tà crompar libes e CDs. E qu'avèvi tanben gana de visitar lo fabricant de gaitas David López García tà discutir "cornamusas". Lo Dàvid que viu en la vath cantabra de Cabuérniga.

Doncas, qu'ac hasoi.

E resultat: ua gaita cantabra nava, perdon, que volèvi díser ua gaita asturiana nava, ;-) que deuré sortir deu talhèr deu mèste David d'ací tà quauques mes. Qu'anarèi a quèrrer-la quan e sia prèsta.

David que joga sustot de la gaita galhega (fabricada per eth medish, clar) e que s'a inventat ua cornamusa aperada gaita de Cabuérniga.

Bon, qu'aurèi l'ocasion de vse'n díser mes, mes tard!

Tà bèthlèu!


3 comentaris:

zel ha dit...

Bentornat, Joan, bentornat!

Mela ha dit...

Bentornat, bentornat... mas es un minipòst aquò!!!!
(remarca, per un còp que comprenèm tot, me vau pas plànher...)

A, CAntàbria...
sas librarias, sas gaitas, sos prats, sas vacas e sas fedas...e sa puta de pluèja
:D

Asier G. ha dit...

Jo que'u coneishi personaument tanben, David lo luthier de Cabuerniga.