diumenge, 1 de febrer de 2009

Non au projècte de fusion Peiteu-Charenta-Aquitània

Dens ua letra enviada a Nicolas Sarkosy, lo president deu Conselh Generau de Charenta Maritima Dominique Busserau (UMP) e lo senator de Viena Jean-Pierre Rafarin (UMP) que prepausan de fusionar Aquitània dab Peiteu-Charenta.

Alavetz, que la causa sia clara: volem l'Union deus País Gascons deguens ua soleta region administrativa (constituida de las partidas gasconas d'Aquitània e de Mieidia-Pirinèus) dab la koinè gascona coma lengua administrativa oficiau, e ua politica activa tà i promàver e ensenhar los parlars locaus coma veïcle d'expression orau en la vita vitanta. En la Gran Gasconha, lo prumèr "bilingüisme" qui cau instaurar qu'ei aqueste: la koinè gascona (o gaskoinè, lo gascon unificat) e lo gascon locau. Las classas "trilingüas" - gaskoinè- dialècte locau e francés - qu'aurén d'èster la règla en la Gran Gasconha (Aran que hè excepcion, clar), l'immersion gascona auré d'èster obligatòria, e lo bilingüisme gaskoinè-francés ua exigéncia qui tots los foncionaris deverén complir tà tribalhar en çò nòste. N'i a pas arren d'extraordinari ni de desmesurat en aquesta exigéncia, la lengua gascona qu'ei la lengua deu País Nòste, qu'ei arrica, bèra e beròja, que hè partida deu nòste patrimòni culturau e de l'identitat nòsta. Ja ei òra de la recuperar e de la restaurar. Pro de vergonha, visca Gasconha!

5 comentaris:

Hlorenç ha dit...

Hilh de puta! Quina coneria e'ns an encoèra ponuts???

Carles Casanovas ha dit...

Peiroton, us veig dividits i indecisos, no vull posar-me allà on no hem correspon, però això forma part de la nostre lluita comuna. Cerqueu un cami i seguiu-lo !

Blas Jesús Sánchez González ha dit...

Dic el mateix, en sóc un profà, però es comença amb unions polítiques, i es continua amb confusions d'ordre cultural i lingüístic. Els francs eren allà dalt, i a baix els visigots, com a Hispània.

manjacostel ha dit...

Aquò's pas de creire. S'es vertat vòli la fusion de totas la regions occitanas amb caduna sa capitala e un TGV per totas las religar.Coma aquò poirem far Nice Bordeu en tres oras e mièja, amb lo cuòl a la fenestra. E aquèla region giganta la sonarem OCCITANIA...
Es pas bèra l'idèa?

Tederic ha dit...

Aquiu la mia analisi :
Fusion Aquitaine et Poitou-Charentes ? (en francés)
En brèu : perqué pas la fusion de la region "Aquitaine" damb LO SUD de Poitou-Charente, qui ei de tota faiçon dens la zòna d'influéncia de BBordèu ? Aquò ne cambiaré pas la situacion de la Gasconha partatjada énter "Aquitaine" e MP.