diumenge, 15 de juny de 2008

Pelòta basca o gascona, vascona, qué! Lo Peiroton i èra!

A jo non m'agrada pas guaire lo fotbòl, m'estimi hèra mes espiar ua partida de rugbí. E que soi fan de pelòta basca, tanben. En realitat la pelòta qu'ei autan gascona com basca. N'ei pas sovent que podem véder partidas de pelotas bascas a la telé francesa, malaja! Pro de fotbòl, volem véder partidas de pelòta basca a la telé!!!!

L'an passat, los juniors de Tolosa qu'èran campion de França de pala còrta, enguan que van pérder en finau contra l'Aviron Baionés.



La pelòta basca qu'ei de mes e mes populara en la part gasconofòna de la region Mieidia-Pirenèus, coma ac ei en l'Aquitània gascona. Que'ns podem regaudir de l'inauguracion d'un fronton nau a Soés, près de Tarba, en Bigòrra.


Baiona qu'ei gascona e non basca, mossur de la telé! Los campions Balhencs e Labordica son GASCONS!!! Vam, n'ei pas grèu, bascs e gascons qu'èm de la medisha soca. Tots arrèr-hilhs deus Uascones.
Qué vòu díser Aran en basco, ja? N'i a pas cap de fronton en la Val d'Aran, que jo sàpii, mès que n'i a un ben au ras, de l'aute costat deu còth de Portlhon, en Banhères (oc, Banhères dab dues "e" e sonque ua "a", de non pas con.hóner dab Banhèras de Bigòrra, doncas que voi díser Luishon, qué!), a quauques quilomètres de Bossòst.

La pelòta, òc! La "corrida", non! Ni aciu, ni aquiu, ni acerà ni enlòc! PROÏBICION TOTAU DE LAS "CORRIDAS"!!!! Quauque temps a, signèi ua peticion mes, la de l'Associacion (espanhòla) deus Veterinaris Abolicionistas de la Tauromaquia. Se la voletz signar tà ajudà'us, qu'ei acitau.

E qu'ac cau tornar diser tà acabar:
Ni farine, ni harina, ni farinha, ni farina, qu'ei haria en la lengua nòsta!
Hilhs de Gasconha, pro de vergonha!
La Banèra, ja l'avem! Era lengua, la volem!

4 comentaris:

menta fresca ha dit...

el bigoti de la dreta! com deu fer per dormir?;-)

Joan deu Peiroton ha dit...

No deu dormir. Li serveixen per moure la pilota. Bé, suposo. :D

merike ha dit...

Què tenen els braus per fer amb aquest esport de pilota?

merike ha dit...

Il n'y a pas de gens ici, Joan Només bon aniversari 15.6.2007. Tenia un molt bon temps.