divendres, 28 de maig de 2010

Amassada a Pau per la senhaletica en la lenga deu país : lo 3 de junh a 20 H 30 a l'Ostau Bearnés

L'amassada a l'Ostau Bearnés a l'entorn de la senhaletica bilingüa a Pau que's harà lo 3 de junh a 20 h 30 a l'ostau Bearnés e non pas a 18 h 30 com anonciat per abans.


La vila de Pau qu'a previst de cambiar la soa senhaletica direccionau. Mes ac harà en dar ua plaça a l'occitan ? Peu moment n'ac sabem pas e n'avem pas vertadèrament de responsa de la vila de Pau e de la deputada-maire.
Donc se non i a pas ua demanda organizada e ua pression de las parts deu monde associatiu que poderàn tostemps enterrar la promessa hèita au moment de la manifestacion organizada l'an passat au mes d'abriu.

La Vila de Pau que deu assumir e portar lo son ròtle de capdulh deu Bearn.
Perqué Pau a vergonha de la soa lenga, la lenga qui a hèit ua gran part de la soa istòria politica, administrativa e l'istòria deu Bearn tanben?

Perqué Pau non haré pas çò qui hèn vilas com Brest, Perpinhan e quitament Baiona qui'n hè mei en occitan que Pau ?

Qu'avem a definir accions entà obtiéner aquera senhaletica bilingua.


Mercés de viéner nombrós entà poder har còrda e dar a la lenga la plaça qui s'amerita per las carrèras de Pau.


La Crida
http://crida.oc.free.fr/
http://www.manifestarperloccitan.com

3 comentaris:

Heraus ha dit...

Comportament occitanista caracterizat : exigir agís de las institucions shens purmèr estudiar la question. On son las proposicions deus "Occitans" de Pau ? On ei lo caièr de las cargas on trobar totas las carrèras de la vila de Pau arreviradas en biarnés ? Aqueth tribalh n'estó pas jamei engatjat pr'amor qui los occitanistas ne son pas sonque vociferaires shens nat instint d'iniciativa.

De tot biaish, a Pau, ne s'i parla pas mei gascon. Com ac disè Labarrère, Pau n'ei pas ua vila biarnesa.

Joan deu Peiroton ha dit...

Heraus: E ben, me demandas tot plen de causas e non soi pas capable de t'arrespòner. Que'us caleré demandar ad eths, los de la crida. En tot cas, la senhalizacion bilingüa, que soi en favor. Har véder lo gascon non hè pas mau. Qu'ei un patrimòni de la vila.

manjacostel ha dit...

Coratge Joan , qu'anètz capitar.
Que se Pau capita pas de que ne serà del demai?