Qu'avèvi començat de distribuir los mens prèmis per ua gojata de la gascofèra, non seratz pas guaire estonats s'acabi la mea distribucion per ua auta gojata de la gascosfèra !
E pas ua Gasconeta quau que sia! Lo men Parpalhon que s'envolè tà las tèrras balticas, en Lituània. Acerà, que i tribalha coma volontària dens un camp de refugiats tà contribuir a aleujar la misèria deu praube monde. E que s'a quitat la soa Gasconha dab l'Occitània au còr.
Que cambiè recentament de web blogaire, lo son ancian qu'èra acerà.
Parpalhon, tu qui t'ès pas desbrombat deu País, que sàpias que la Gasconha grana non t'a pas oblidada a tu tanpauc e qu'ei fièra de tu!
Mira quin e son fièrs los nòstes bohaires
Qui deu País te hèn resonar los aires,
Que i son cent aplegats tà la melodia !
Dab eths, tu que poderàs escotar, tot dia,
Rondèus e’scotishas de la nòsta Gasconha,
dilhèu que’t haràn oblidar qu’ès tan lonha!
La’scotisha qui segueish ara, gojata,
Qu’ei la deus eslhèves deu Conservatòri
de las Lanas. Esta musica de glòria
en sòl minor, a jo, fòrça que m’agrada!
La Pòlca de Hont, non la tròbas pas bèra?
La’ns hèn los Gojats de l’Ador, l’aimi hèra!
Audeish com ei beròja la lenga nòsta!
Suu blòg te’n cau servir mes sovent, vivòsta !
Endavant ! N’ajas pas pòur ! Cap de vergonha !
Be ‘t perdonarà la Dauna de Gasconha ,
Se i deishes fautas! Escassas que’s haran
E dab temps segur que desapareisheran!
E ja que't sentes plan occitana, aquiu qu'as "uNa cançon d'un autRe grop nòstRe" :D: Òc-ben, deus trobadors b'èm los eretèrs!
Nota Bene: Los trocets deu dia que son tirats deus CDs seguents:
Rondèus e Escotishas, interpretat per 100 bohas, Cornemuses Landaises, Ed. Agorila
Escotisha, interpretat per los eslhèves deu conservatòri de las Lanas, Cornemuses Landaises, Ed. Agorila
Polka de Houn, interpretat peus Gouyats de l'Adou, Folk Music From Southwestern France, ARC music
Colina Canta, de l'àlbum Saumon, Nadau, plan segur!
Libertat, Egalitat, Fraternitat, de l'àlbum Solindre, Parpalhon,
Quan lo boèr, de l'àlbum "Òrb" , Familha Artús
Occitània, de l'àlbum Bramadís, la Talvera
7 comentaris:
Ei, noi ja escolto Radio Montpelier,n'estic molt content i joios...gracies Billi Gates, per fer
el mon tant petit i els Paissos Occitans-Catalans tant grans !!!
Felicitacions per al seu premi! Els mereix a tots ells, aquells que accepta i aquells que detesta. Com el meu.
de nou felicitats per un altre premi, i ves quines coses coneixer una persone que deixa el seu pais per anar a ajudar a d'altres que ho pasen malament, tot el meu respecte i admiració per elles.
ohhh mercés plan per lo prèmi !!!!!
E m'a agradat hèra la musica !!!!!
La música genial, com sempre, jo pla la busco al youtube, però sovint no surt...o no en sé prou!
Petons, Joan!
Tens ben merescut ser premiat. Avui, un altre escrit excel·lent, que em permetrà conèixer nous blocs i nova música. Bé, nova per a mi. Una abraçada.
una abraçada de diumenge musical! :))
Publica un comentari a l'entrada