diumenge, 8 de juny del 2008

Volem ua lengua unificada e gascona entau pòble de la Gasconha Gran!!!!


Poderatz constatar en aquera video prenguda a Dacs, per l'estiu 2007, que nosautes Gascons  existim enqüèra. Òc, Gascons qu'èm, e b'èm tostemp plan vius !!!! 
 


Òc, qu'èm plan vius, mès, malurosament que ns'èm vaduts ... afasics!! :((

Ja seré temps de trobar paraulas de las ben gasconas tad aquera cançon qui'ns vien d'Espanha (vino griego) e qui ei vaduda l'imne dilhèu mes popular en çò noste, segurament tan popular com Aqueras Montanhas.

B'ei de dòu har de véder un pòble privat de la soa lengua!!!! Qu'avem per fin ua Academia dera Lengua Occitana, apitada per dus Gascons: lo president de l'Institut d'Estudis Occitans qui ei Biarnés, e lo magnific sindic de la Val d'Aran. Los dus se parlan en gascon, plan segur, mès en dialèctes ben diferents. Dinc adara, arren a díser en contra: qu'ei san, naturau e normau. Çò qui n'ei pas ni tan san ni tan normau, b'ei que non son pas capables d'escríver en ua lengua unificada! L'un escriu en biarnés e l'aute en aranés!!!! E no'vs parli pas ací de diferéncias petitonas com las que separan lo catalan fabrenc deu valencian o deu balear!! Plan que non! Que son fòrça mes granas las diferéncias dialectaus en gascon que non pas en catalan. E n'ei pas lejut enlòc que volèvan remediar tad aquera situacion en hent tribalhar era Academia dera Lengua. En tot cas, no'n parlan pas.


Totun, un gascon unificat, comparable au batu deus bascos, nosautes gasconofònes que'u demandam URGENTAMENT. Volem un gascon unificat tà poder adornar los nòstes imnes de mots plan beròis, entà que'us poscam cantar de Liborna dinc a Baiona, Salardú o Massat sense aver de'us virar en un dialècte quin que sia. Be seré dar fòrça tà la lengua nòsta! Non volem pas la mort deus dialèctes, plan au contra, mès demandam coma minimum que poscam dispausar d'ua lengua unificada tà tots los país gascons. Me pensi que caleré qu'estosse sintetica tà poder demorar acceptabla per tots, mès, per segur, que seré a l'Academia de decidir quin e cau que sia. Tà avisà'vs de qué pòt semblar un gascon sintetic, que'vs sufeish de léger la pròsa d'en Pèire Bèc, un aute president de l'Institut d'Estudis Occitans, qu'escrivó en un gascon "artificiau" hèit d'elements prenguts de mantuns dialèctes. L'òbra d'en Pèire Bèc qu'ei de fòrça bon léger e non presenta pas cap de coloracion tròp locau o localista. Se l'Academia non s'encarga pas de'ns hargar un gascon unificat dab ua gramatica e un diccionari generau deu gascon, escrivuts sonque en gascon, adonc qui ac harà? E de qué servirà aquera Academia????

Que podem arregraciar los de l'Ouzom qu'an hicat letras biarnesas a l'imne nòste.
La Hesta Au Chapelot - Los De lOuzom

Lo divés ser qu'arriban tots per lo camin devath,
Drin de pertot que son vienguts gaujós e esvagats
Los gran parents parlan gascon dab los mainats

Arrepic:
Ça-vietz cantar e bev'un còp
Dab los amics que va plan!
Qu'ei la hèsta tan bèra deu Chapelò,
La vath vielha s'amassa aquiu entà dançar
La la la...

Despuish vint ans e mei los joens de Haut de Bòsc d'Arròs
Qu'an prepausat un gran empont apitat tròç a tròç,
Dab lo vin blanc, qu'an arcuelhut los cantadors.

Davant lo casso fièr e hòrt lo dimenge matin,
Tostemp hardits qu'an envitat los vilatges vesins,
E dens la nueit un beròi huec entà fenir


Suu site de Gasconha.com, que trobaratz ua auta proposicion, tanben plan bèra, la d'Eric Astié, aquí un drin retocada per Tederic Merger. Los coplets de l'Eric que poden perfèitament completar los deus d'Ouzom.

Sus l'aire de l'arrepic, que da:

Atau vivem ! Dens un país qui te serà arcuelhent
Luenh deus chepics, deu malh e a l’estanguet
Per hestejar, brindar e se virar la set.
Atau vivem ! Tant que palomas e ceps a nòste i aurà
Tant que la vinha lo son vin e’ns balherà
Banda ripataulèra per tot bailejar.


N'i manca sonque la version finau... en gascon unificat.

NB La canta deus de l'Ouzom qu'ei tirat deu lor CD "Adishatz". Tà crompà'u, que cau anar tau lor site.

12 comentaris:

優次 (Yuji) ha dit...

Non poirie cap d'èster mès d'acòrd damb tu sus aguesta question. Que cau ua unificacion ath mens en çò que tanhe era lengua escrita.
A jo tanben que'm shauterie saber quines son es intencions d'aguesta academia ara que dejà son toti amassadi...

Jobove - Reus ha dit...

l'unió fà la força i entre tots podem

una forta abraçada de la nostra part

zel ha dit...

Unificació versus diversificació, si suposa que hi haurà un creixement d'ús de la llengua, està d'allò més bé.., a veure si puc tenir a les mans una granàtyica que m'ensenyi a entendre'ns més bé, estimat Joan! Quan s'acabi la meva feina boja, tenim pendent un cafè!

"Es Sindiquetes" ha dit...

Òla Joan. Fòrça gràcies pes tues intervencions en eth nòste blòg. Ei un blòg damb bon sentit der umor, simpatic e coma diden per aguestes tèrres:"Cachondo" jejeje
Nos a agradat crutzar termières e nos liegen ar aute can deth pònt de Rei.
Ja sabes, liejà-nos tostemp e demoram comentaris tòns en es nòsti pòsts.
Ua abraçada
"es Sindiquetes"

Anònim ha dit...

demori qu'un jorn auriem ua terra unida. hehe. visca era gasconha. heh.

sonque volie avistar-te qu'è un nau blog! hehehe.

http://aubreydear.blogspot.com

me shaute blogspot mielhor! pots cambiar eth link qu'as per mi ara dreta? :) gracies.

menta fresca, aufàbrega i maria lluisa ha dit...

déu ni do com t'ho has currat i la força i sentiment que hi poses en cada un dels teus escrits.Tornaré per escoltar les cançons.

Anònim ha dit...

guarde. quin ome mes simpatic.
moltes gracies ta cambiar eth link. demori que me lieges e comentes un dia ja qu'è blogspot!

:)

tot ben?

Anònim ha dit...

que dides? ei clar que eth gascon ei eth mielhor. hehe. so aranes. ei clar que creigui qu'eth gascon ei mielhor! :)

eth titol deth men bloc ei en occitan de montpelher. montpelheirenc, se vos. hahaha. nuèch ei net. sòn ei somni. haha.

gracies ta comentari. non poses tanta attencion as paraules. i an moltes formes d'occitans. i moltes maners ta parlar! :)

montse cuixart ha dit...

Aguest video, ufff, que m'a shautat molt, quina fòrça! A viatges eth sentiment dera gent ei tan fòrt que semble qu'ei etern.

Onset ha dit...

Qué entusiasmo mete a chen! O que no me fa mica goyo ye o puesto an que se fa. A beyer si tenez suerte con l'Academia, a estandarización ye a unica solución. Por zierto, bien bonica a canta.

carme ha dit...

veirem çò que fasen a l'academia, soi pas gaire confiada, mas donem-los un pauc de temps...

per cèrt, que ièr anèri sopar damb un gascon... que fasiá las h aspiradas! aviái legit que se podiá far, mas o aviái jamai sentit!!! :-)

(ara me prepari per l'examen de lengadocian de divendres)

merike ha dit...
L'autor ha eliminat aquest comentari.