dimecres, 30 de gener de 2008

Un segond meme

E òc! Qu'ei la sason deus memes ! Aqueth m'ei arribat de Mon, s'ageish deu meme de la video plasenta.
Que vse'n prepausi duas.
L'ua, l'ei panada a una brisa de amor. La video que ns'ensenha la diferéncia de comportament respècte au tribalh lo divendres (divés) e lo diluns :


L'auta, lingüisticament un pauc mes complicada, que l'ei raubada a ieumaitot. Lo parlar qu'ei de nòrd-occitan de Cruesa. Dejà, arren que d'escotar la lenga, que'm hè arríder (sauv vòste arrespècte, amics deu nòrd!). Doncas, Guston e lo chaçador / Guston e lo cacaire / Guston i el caçador. Tà resumir: que'ns conta com lo praube Guston , "un gars qui n'a pas de chance" èra a pishar dens lo bosc (detalhs de la tecnica de la pisharrada qui deisha l'aparelh ben expausat) quan e arribè un cacaire qui èra après quauques merlos. Lo paure guston que's pren un detzenat de ploms dens la part mes expausada e masculina de la soa anatomia. Doncas se'n va "chas lo medecin" (en çò deu mètge) qui l'examina e constata que n'i a pas mes ploms -"son tornats sortir de l'aute co(s)ta(t)". Ueit jorns après, lo Guston que se'n torna "chas lo medecin" tà se plànher que los traucs (horats) e son pas cicatrizats e que, cada còp que pisha, aquò que't sòrt per tots los costats e que se'n fot pertot. Lo mètge qu'a ua solucion : li ditz d'anar véder lo cabretaire (lo bohaire locau /el gaiter local) tà que li ensenhe quin (com) se tapar los horats dab lo dit.



Passi lo meme au Jan-Pèire tà hèr-li un apracticament, ja qu'a començat dab lo prumèr meme, a la Mela, tà consolar-la, pr'amor que non podem pas passar ua nueit de holia sexuau amassa, e au Yuji pr'amor que lo Brasiu, b'ei hèra luenh e que son las vacanças d'estiu acerà : los benurats !!!, e a qui lo volha hèr.

6 comentaris:

Mela ha dit...

akeste lo farai pas.
Es pas grèu?

Joan deu Peiroton ha dit...

Ben non, fa pas res! Que lo fagas o pas, aquò cambia pas res. Lo potonet!

pasha ha dit...

Quò te fai dau ben d'auvir la lenga vertadiera dau trobador (oc-es los trobadors eran lemosins...) ;o)
Bon, sens rire, qu'es pas mau d'auvir dau monde de pertot, entau l'intercompreension entre catalans, gascons, nòrd e sud occitans sera melhor !

Joan deu Peiroton ha dit...

Pasha, sòi plan d'acòrdi, e personalament, tròbi que lo lemosin es de bon comprene.

pasha ha dit...

Es perque t'as pas enquera auvit un corresian !!!! Los crueses, los charantes, los de vinhana nauta, quò vai... mas los corresians...

Joan deu Peiroton ha dit...

Ah! Òc, es vertat! Aviái de problèmas de compreneson amb lo Chirac...Mas avèm trobat piéger, finalament. Me mancariá presque, lo Chirac, tè...Es encara viu?