Dauna Domenja (la deu Bèth Lòc: Na Domenja, qué!) m'a demandat de díser quauques mots a prepaus deu grop de teatre Los Comelodians. Qu'ac hèi dab gran plaser per duas rasons. La prumèra: Na Domenja qu'ei Na Domenja, e aquò que'm sufiré coma rason. La segonda: los Comelodians que son ua companhia de teatre d'expression gascona. Non n'i a pas tant. E que cau encoratjà'us. Qu'an jogat en mantuns lòcs deus païs gascons e pas sonque en Biarn (a Ortès, Sauvatèrra, Auloron, Laruntz, Monenh, Visanòs, Aramits...), o en las Lanas ( a Monthòrt, Morcens, Polhon, Haget, Sabres, Aurice, Linsa, Tiròssa), mès tanben en los Hauts Pirenèus, en Hauta Garona, Gironda, ena Val d'Aran, en Catalonha e en d'autes lòcs mes. Lo dissabte 15 de noveme, a las 20ò30, que jogaràn la navèra creacion " Lo viatge de Monsur Perrichon", de M.-Jò Hustaix-Etcheverry, au teatre Planté a Ortès.
Anatz-i nombrós!!!! (Clicatz sus l'imatge tà poder léger las nòtas).
PS. Tè, a prepaus de la nosta ràdio preferida, que i a un mejan simple tà ajudar-la...
3 comentaris:
A L'OCCITANIA del sud , de la columna vertebral, en diem l'espinada.
Jo crec que els Pirineus son l'espinada dels nostres sentiments
identitaris.
Que mos balhas era envèja d'i anar!!! Ortès, que hè un shinhau lonhet tà ua serada, totun!
Espèri que tornaran jogar en Nauta Garona o pas tròp lonh d'ací !!!
Passo a deixar-te un petó vertebrador de sentiments.
Publica un comentari a l'entrada