Tot dimars, a 20H30, Tederic Merger de Gasconha.com, Miquèu d'Òc e lo vòste servidor qu' organizam un "chat" en gascon dab l'skype. Qu'avom la nòsta prumèra reunion virtuau ger ser. I èram los tres a inaugurar la conversacion gascona du dimars. Èra lo nòste prumèr aplec gascon sus l'skype, e podom verificar que tot e funcionava plan com calèva!
Los qu'ac vòlen que's pòden ajustar a la "conferéncia", tots los nivèus de practica deu gascon que i son acceptats, çò important qu'ei de voler parlar en gascon. Qu'ei a gratis! Los començants que i son benvienguts, los joens coma los mens joens! S'èm pro numerós, que poderam mei tard formar grops segon las afinitats, los nivèus etc. Lo Tederic s'exprima en gascon deu Nord-Oèst mentre que lo Miquèu ac hè en gascon Sud-Orientau (eth grop dialectau comengés- aranés - coseranés) e lo vòste servidor en gascon peirotonenc...Doncas i participar qu'ei dejà ua man(i)èra de s'acostumar a las diferentas varietats de gascon e aus accents diferents !
Cap de vergonha! Parlem la leng(u)a! N'ajatz pas paur, vengatz! Internet que ns'ajudarà a tornar recuperar la lengua!
Rendetz-vos lo dimars 7 d'octobre a partir de 20 H 30 (GMT + 1, l'òra de Bruxellas e de la França metropolitana). Çò qui'vs cau hèr tà participar: que'vs cau installar l'skype suu vòste ordinator se non l'avetz pas dejà, causir un pseudo tà l'skype s'ètz navèth, comunicar la vòsta identitat skype a Tederic (Tederic at gasconha punt com) e equipar lo vòste ordinator d'un micro (o d'un casc-micro).
Que v'i esperam!
1 comentari:
Com voldria participar!:-)
Publica un comentari a l'entrada