Ger qu'avom la segonda session de las conversacions gasconas deu dimars, un gran plaser tà tots los participants!!! Que'ns hasó gai d'acuélher l'Annie, de Bordèu. A la debuta, era qu'èra privada de votz, praubeta, mès per un d'aqueths miracles abituaus de l'informatica, que la tornè trobar e, contenta, que's podó hicar a s'exprimir en la lenga. Gran moment de bona umor tà tots!!!
Degun de nosatis n'èm pas locutors naturaus deu gascon, qu'ei doncas hèra important de s'entrainar a parlar tà's hargar un circuit neuronau "gasconoparlant" qui sia plan solide. A còps, los mots que'ns mancan, ben segur, o que hèm pecas, aquò rai!!!. N'ei pas grèu, qu'èm aquiu tà progressar tranquillets. E jo en prumèr, pr'amor que l'escríver e lo parlar ne sollicitan pas los medeishes circuits neuronaus, escríver tot dia non sufeish pas, parlar que cau!!! A la debuta, n'ei pas tant aisit de parlar, mès que s'i cau hicar :)).
De tota faiçon, n'èm pas a l'escòla! N'i a pas nada nòta a la fin, çò d'important qu'ei de participar e de's hèr content en tot hè'c. Que progressaram tots!!!
Los mots o expressions qu'avem vist mes especiaument durant aquera session:
Tornar penjar o penjar (bon, lo micrò ne marcha pas, que pengi e que tornarèi aperar).
Batalèra (Podem continuar de batalar en tot esperar que l'Antoèna torni (torne)). Clacassejar qu'ei pejoratiu.
Encombrament (Se non i a pas nat encombrament a (en) la rocada, qu'arribarèi lèu a casa). Que's pòt díser tanben: emboç o embòç.
N'ei desbrembat? Possible, rai.
Rendetz-vos dimars que ven, medeisha òra!
3 comentaris:
Adiu Gerard !
L'Antoine que tornet juste quan avevam acabat la conferéncia.
Qu'avè hèit ua error de manipulacion : qu'era en mode "invisible" !
Qu'ei clacassejat damb eth ua longa pausa.
Lo praubot qu'ei a Paris e ne troba pas digun ende parlar.
Qu'a començat lo gascon en legir un libe bilingue de Felix Arnaudin, e adara qu'ac hè damb lo metode "Rigosta" de "Princi Negue".
Que parla ua mena de sabir espanhou-francés-gascon, mès que'm compreneva quan parlavi lo men gascon blos (!), e qu'ei arremarcat qu'au cap d'un detzenat de minutas, lo son gascon s'era dejà amelhorat un chic.
Que m'a dit qu'i serà lo dimars qui vien.
Qu'ei creat ua paja end'explicar coma participar ad aquestas discussions :
http://gasconha.com/debat/article.php3?id_article=68
@ lèu !
M'agradarie auer tanben ua manèra entà practicar dempús d'aciu de luenh. Autant de bon poguessa trapar aciu quauquarrés que parlèsse er aranés o aute dialecte gascon... :)
Tederic: super! A dimars!
Yuji: supausi que lo problèma e vienerà de la diferéncia d'ora dab Brasiu...Ns'i cau pensar, vederam se podem trobar un aute moment mes comòde tà tu...
Publica un comentari a l'entrada